Дэлі Блінд

Дэлі Блінд (па-нідэрляндзку: Daley Blind; нар. 9 сакавіка 1990 году, Амстэрдам, Нідэрлянды) — нідэрляндзкі футбаліст, паўабаронца абарончага тыпу гішпанскага клюбу «Жырона» і нацыянальнай зборнай Нідэрляндаў. Сын футбаліста Дэні Блінда^[2].

Дэлі Блінд
Пэрсанальная інфармацыя
Нарадзіўся	9 сакавіка 1990(1990-03-09)[1] (35 гадоў) Амстэрдам, Нідэрлянды
Рост	180 см
Вага	72 кг
Пазыцыя	скрайні абаронца, абаронца, паўабаронца
Клюбная інфармацыя
Клюб	Жырона
Нумар	17
Клюбы
Гады	Клюб	Гульні (галы)¹
2008—2014	Аякс	102 (3)
2010	→ Гронінген	17 (0)
2014—2018	Манчэстэр Юнайтэд	90 (4)
2018—2023	Аякс	124 (7)
2023	Баварыя	4 (0)
2023—4	Жырона	68 (1)
Зборныя
2007—2009	Нідэрлянды (да 19)[d]	16 (0)
2009—2013	Нідэрлянды (да 21)[d]	23 (0)
2013—2024	Нідэрлянды	108 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 траўня 2025.

Кар’ера

Пачаў займацца футболам у акадэміі амстэрдамскага «Аяксу», клюб за які гуляў бацька Дэлі. Свой першы прафэсійны кантракт з клюбам падпісаў у 17 гадоў. 7 сьнежня 2008 году Дэлі дэбютаваў за клюб у матчы супраць «Валендаму». Празь некалькі дзён пасьля гэтага, падоўжыў кантракт з клюбам да 2013 году.

Дэлі Блінд у гульні за «Манчэстэр Юнайтэд» ў 2017 годзе.

30 жніўня 2014 году «Манчэстэр Юнайтэд» на сваім сайце абвесьціў пра тое, што яны дасягнулі дамоўленасьці аб пераходзе гульца ў ангельскі клюб^[3]. 1 верасьня 2014 году Дэлі афіцыйна стаў футбалістам манчэстэрскага клюбу, які выклаў за гульца 13,8 млн фунтаў^[4]. Блінд дэбютаваў у складзе «чырвоных» праз 13 дзён пасьля складаньня кантракту, правёўшы 90 хвілінаў матчу супраць «Кўінз Парк Рэйнджарз» на Олд Трафард^[5]. Свой першы гол забіў 20 кастрычніка, калі з далёкай дыстанцыі накіраваў мяч у браму «Ўэст Бромўіч Альбіёну» (2:2). На пачатку сэзону 2016—2017 гадоў Прэм’ер-лігі стаўся асноўным гульцом абароны разам з Крысам Смолінгам, аднак, па вяртаньні ў склад Філа Джонза і Маркаса Роха быў выціснуты з пачатковага адзінацаткі. У наступным навязаў канкурэнцыю леваму абаронцы Люку Шоў.

У ліпені 2018 году Блінд павярнуўся на радзіму, склаўшы чатырохгадовую дамову з «Аяксам», які выдаткаваў на набыцьцё паўабаронцы 16 млн эўра^[6]. 16 сьнежня 2018 году футбаліст здабыў свой першы хет-трык у прафэсійнай кар’еры ў пераможным матчы супраць «Дэ Граафсхап», пры гэтым матч ён правёў на пазыцыі цэнтральнага абаронцы^[7]. 27 сьнежня 2022 году па скасаваньні кантракту паміж гульцом і клюбам як вольны агент перайшоў да складу нямецкай «Баварыі»^[8].

Дасягненьні

«Аякс»:

• Чэмпіён Нідэрляндаў: 2011, 2012, 2013, 2014, 2019, 2021, 2022
• Уладальнік Кубка Нідэрляндаў: 2013, 2019, 2021
• Уладальнік Супэркубка Нідэрляндаў: 2013, 2019

«Манчэстэр Юнайтэд»:

• Уладальнік Кубка Ангельшчыны: 2016
• Уладальнік Кубка футбольнай лігі: 2017
• Уладальнік Супэркубка Ангельшчыны: 2016
• Пераможца Лігі Эўропы: 2017

«Баварыя»:

• Чэмпіён Нямеччыны: 2023