Дэмакратычная юніянісцкая партыя

Дэмакратычная юніянісцкая партыя (па-ангельску: Democratic Unionist Party) — юніянісцкая, ляялісцкая^[1][2] і нацыянальна-кансэрватыўная палітычная партыя ў Паўночнай Ірляндыі. Была заснаваная Енам Пэйсьлі ў 1971 годзе за часам канфлікту ў Паўночнай Ірляндыі. Пэйсьлі ўзначальваў партыю на працягу наступных 37 гадоў. На сёньня гэта адна з найбуйнейшых партыяў Паўночнай Ірляндыі. Мае прадстаўніцтва ў Палаце абшчынаў. Партыя характарызуецца як правая^[3] і сацыяльна кансэрватыўная^[4][5]. Яна выступае супраць абортаў і аднаплоцевых шлюбаў. Юніяністы разглядаюць сябе абаронцамі брытанскай і пратэстанцкай культуры Ольстэру, выступаючы супраць ірляндзкага нацыяналізму і ірляндзкага рэспубліканства. Партыя належыць да эўраскептыкаў і падтрымлівае выхад Вялікабрытаніі з Эўразьвязу^[6][7]. Яна падтрымлівае захаваньне Паўночнай Ірляндыі ў складзе Вялікабрытаніі і выступае супраць аб’яднаньня Ірляндыі^[8].

Дэмакратычная юніянісцкая партыя
па-ангельску: Democratic Unionist Party
Заснавальнік	Ен Пэйсьлі[d]
Дата заснаваньня	30 верасьня 1971
Штаб-кватэра	Бэлфаст, Паўночная Ірляндыя, Вялікабрытанія
Ідэалёгія	юніянізм у Вялікабрытаніі[d], брытанскі нацыяналізм[d], нацыянал-кансэрватызм, сацыяльны кансэрватызм, правы папулізм[d] і эўраскептыцызм
Афіцыйны сайт	mydup.com