Дэніел Коўк

Дэніел Паркер Коўк (па-ангельску: Daniel Parker Coke; 17 ліпеня 1745 — 6 сьнежня 1825) — ангельскі барыстэр і чалец парлямэнту.

Дэніел Коўк
Daniel Coke Выкарыст. курсор для вызначэньня асобаў
Імя пры нараджэньні	Дэніел Паркер Коўк
Род дзейнасьці	адвакат і парлямэнтар
Дата нараджэньня	17 ліпеня 1745
Месца нараджэньня	Дэрбішыр?
Дата сьмерці	6 сьнежня 1825
Месца сьмерці	Дэрбі
Месца вучобы	All Souls College[d] Каралеўскі каледж[d] Derby School[d]
Занятак	барыстэр, палітык
Бацька	Томас Коўк
Маці	Матыльда Коўк
Дэніел Коўк у Вікісховішчы

Біяграфія

Коўк быў адзінцом у сям’і барыстэра Томаса Коўка (1700—1776) і ягонай жонкі Матыльды Гудўін (1706—1777). Ён належаў да старажытнай дэрбішырскай сям’і Коўкаў з Трасьлі. Навучаўся ў Дэрбскай школе, оксфардзкім Куінс коледжы і Коледжы ўсіх сьвятых. Атрымаў ступень бакаляўра ў 1769 годзе і ў 1772 годзе ў Лінкалн Ін (Лёндан) ступень магістра.

Кар’ера

Коўк быў запрошаны ў суд у 1768 годзе і працаваў у якасьці барыстэра.

З 1776 па 1780 гады быў чальцом парлямэнту ад гораду Дэрбі, пазьней у 1780—1812 гг. ад Нотынггэму.

З 1793 году Коўк падтрымаў палітыку брытанскага ўраду за вайну з Францыяй. На агульных выбарах 1802 году Коўк згубіў шмат галасоў праз сваю прыхільнасьць да вайсковых дзеяньняў і высокіх коштаў на спажывецкія тавары. У выніку ён быў вымушаны аддаць парлямэнцкае месца доктару Джозэфу Бёрчу з Прэстана. Коўк хадайнічаў супраць вынікаў галасаваньня і ў траўні 1803 году перамог у новых выбарах. У чарговы раз пасьпяхова спаборнічаў зь Бёрчам у 1806 годзе.

Пасьля сыходу з парлямэнту да 1818 году працягнуў кар’еру ў якасьці старшыні дэрбішырскага суду квартальных сэсіяў.

Ніколі ня быў жанаты. Памёр у Дэрбі ў 1825 годзе.

Літаратура

• Coke, Daniel Parker (1745–1825), barrister and politician by Mark Pottle in Oxford Dictionary of National Biography