Жаночая зборная Чэхіі па баскетболе

Жаночая зборная Чэхіі па баскетболе — нацыянальная каманда, якая прадстаўляе Чэхію на міжнародных баскетбольных турнірах. Кіруецца Чэскай баскетбольнай фэдэрацыяй.

Чэхія Česká ženská basketbalová reprezentace
Асноўныя зьвесткі
Рэйтынг ФІБА	18 (9 лютага 2025)
Чалец ФІБА з	1993
Рэгіён ФІБА	Эўропа
Фэдэрацыя	Чэская баскетбольная фэдэрацыя
Трэнэр	Ivan Beneš
Алімпійскія гульні
Удзелаў	3
Мэдалёў	0
Чэмпіянаты сьвету
Удзелаў	3
Мэдалёў	Срэбра: (2010)
Чэмпіянаты Эўропы
Удзелаў	16
Мэдалёў	Золата: (2010) Срэбра: (2003)
Форма
Сьветлая Цёмная
Спасылкі
Вэб-старонка
(абнаўленьне: 29 чэрвеня 2025)

Гісторыя

Чэшкі (у белым) у матчы супраць зборнай Турэччыны.

Каманда ўпершыню трапіла на чэмпіянат Эўропы 1995 году, дзе заняла 7-е месца ў фінальнай клясыфікацыі. Найлепшыя вынікі былі дасягнуты ў сярэдзіне 2000-х гадоў, калі гульцы ўпершыню заваявалі срэбраныя мэдалі ў 2003 годзе і сталі пераможцамі на чэмпіянаце Эўропы 2005 году. У 2004 годзе адбыўся дэбют каманды на летніх Алімпійскіх гульнях у Атэнах, дзе баскетбалісткі фінішавалі на пятым радку. На Эўрабаскеце 2005 году, які ладзіўся ў Турэччыне, яны прасунуліся з групы з шасьці ўдзельніц без паразаў. У чвэрцьфінале чэшкі перамаглі гаспадыняў зь лікам 86:60, у паўфінале яны адолелі супраціў зборнай Гішпаніі зь лікам 76:66, а ў барацьбе за тытул былі мацней за зборную Расеі ў драматычным матчы, які скончыўся з розьніцаў у два пункты 72:70.

Каманда ўпершыню трапіла на чэмпіянат сьвету 2006 году, дзе была сёмай. Пасьля перамогі ў сваёй групе эўрапейкі зазналі паразу ад зборнай Бразыліі зь лікам 51:75. На чэмпіянаце сьвету 2010 году, які праходзіў у Чэхіі, гаспадыні занялі другі радок пасьля Расеі ў сваёй групе. У 1/4 фіналу яны сустрэліся зь дзейнымі чэмпіёнкамі з зборнай Аўстраліі і перамаглі іх зь лікам 79:68. У паўфінале быў зломлены супраціў зборнай Беларусі, але на фінал чэшкам не хапіла моцы, каб перамагчы фаварытак з зборнай ЗША, саступіўшы з розьніцай у 20 пунктаў (69:89).

Вонкавыя спасылкі

• Афіцыйны сайт