Жуан Пэдру да Сылва Пэрэйра

Жуа́н Пэ́дру да Сы́лва Пэрэ́йра (па-партугальску: João Pedro da Silva Pereira; нар. 25 лютага 1984 году, Лісабон, Партугалія) — былы партугальскі футбаліст, абаронца. Гулец нацыянальнай зборнай Партугаліі. Вядомы дзякуючы выступам у складзе «Бэнфікі», «Брагі», «Спортынгу» й «Валенсіі».

Жуан Пэдру да Сылва Пэрэйра
Пэрсанальная інфармацыя
Нарадзіўся	25 лютага 1984(1984-02-25)[1][2][3] (41 год) Лісабон, Партугалія
Рост	172 см
Вага	64 кг
Пазыцыя	скрайні абаронца
Клюбы
Гады	Клюб	Гульні (галы)¹
2002—2005	Бэнфіка Б[d]	7 (0)
2003—2006	Бэнфіка	58 (4)
2006	→ Жыл Вісэнці	14 (0)
2006—2007	Жыл Вісэнці	25 (1)
2007—2009	Брага	67 (1)
2010—2012	Спортынг Лісабон	61 (3)
2012—2015	Валенсія	55 (0)
2015	Гановэр-96	5 (0)
2015—2016	Спортынг Лісабон	28 (0)
2017—2021	Трабзанспор	106 (3)
2021	Спортынг Лісабон	5 (0)
Зборныя
2000—2001	Партугалія (да 16)[d]	7 (0)
2002—2003	Партугалія (да 19)[d]	15 (1)
2004—2007	Партугалія (да 21)[d]	28 (1)
2010—2014	Партугалія	40 (0)
Трэнэрскія клюбы
2024—4	Спортынг Лісабон

Кар’ера

Клюбная

Жуан зьяўляецца выхаванцам юнацкіх камандаў футбольных клюбаў «Дамунгуш Савію» й «Бэнфікі». У дарослым футболе дэбютаваў у 2003 годзе за асноўную каманду «Бэнфікі», у якой правёў тры сэзоны, прыняўшы ўдзел у 58 матчах чэмпіянату. У складзе «Бэнфікі» заваяваў тытул чэмпіёна Партугаліі. У 2006 годзе далучыўся на ўмовах арэнды да клюбу «Жыл Вісэнці», таго ж году гэты клюб выкупіў трансфэр гульца. Зрэшты ўжо ў 2007 годзе абаронца перайшоў у іншы партугальскі клюб, «Брагу», у складзе якога правёў наступныя два гады сваёй кар’еры. Большасьць часу, праведзенага ў складзе «Брагі», быў асноўным гульцом абароны каманды. У склад «Спортынгу» трапіў 22 сьнежня 2009 году за 3 млн эўра^[4]. Пэрэйра рэгулярна зьяўляўся ў складзе клюбу й гуляў, у асноўным, на пазыцыі абаронцы ці паўабаронцы.

24 траўня 2012 году Пэрэйра падпісаў кантракт з «Валенсіяй» за 3,6 млн эўра^[5]. Пагадненьне было складзена на тры гады з магчымасьцю падаўжэньня яго яшчэ на год.

Міжнародная

Пэрэйра ўпершыню быў выкліканы ў склад зборнай Партугаліі ў кастрычніку 2010 году, пасьля прызначэньня на пост галоўнага трэнэра партугальцаў Паўлу Бэнту. Дэбютаваў у адборачным матчы да чэмпіянату Эўропы 2012 году супраць зборнай Даніі.

Дасягненьні

«Бэнфіка»:

• Чэмпіён Партугаліі: 2005
• Уладальнік Кубка Партугаліі: 2004
• Уладальнік Супэркубка Партугаліі: 2005

«Спортынг»:

• Чэмпіён Партугаліі: 2021
• Уладальнік Супэркубка Партугаліі: 2015

«Трабзанспор»:

• Уладальнік Кубка Турэччыны: 2020