Жыўкова

Жыўко́ва (па-польску: Żywkowo, на мясцовай беларускай гаворцы: Жывко́во^[2]) — вёска ва ўсходняй Польшчы ў Заблудаўскай гміне Беластоцкага павету.

Жыўкова
польск. Żywkowo
Першыя згадкі:	15 ст.
Мясцовая назва:	Жывково
Краіна:	Польшча
Ваяводзтва:	Падляскае
Павет:	Беластоцкі
Гміна:	Заблудаў
Насельніцтва:	24 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-060
Нумарны знак:	BIA
Геаграфічныя каардынаты:	52°57′0″ пн. ш. 23°25′0″ у. д.
Жыўкова на мапе Польшчы Жыўкова
Галерэя здымкаў у Вікісховішчы

Ля вёскі праходзіць ваяводзкая дарога 685.

Насельніцтва

Жыхары вёскі ў большасьці этнічныя беларусы, праваслаўныя (прыход сьв. Архангела Міхала ў Трасьцянцы) ды палякі-каталікі (парафія Ўнебаўзяцьця Марыі Панны і сьв. Біскупа Станіслава ў Нарві^[3]).

Гісторыя

Вёска была заснавана разам з Анцутамі, Іванкамі, Сакамі і Рагазамі як баярскае пасяленьне на шляху з Горадні ў Нарву і Бельск^[4]. Вядома, што ў 18 ст. пры тутэйшым фальварку разьмяшчаўся парк у барочным стылі^[5]. Пад канец 19 ст. Жыўковам уладаў войт непадалёкіх Паўлаў Тэадор Апалінскі^[6]. У міжваенны пэрыяд Жыўкова прыналежала да Заблудаўскай гміне Беластоцкага павету Беластоцкага ваяводзтва. Паводле польскага перапісу насельніцтва 1921 г. пражывала тут 78 жыхароў (19 каталікоў і 59 праваслаўных, 3 чалавек было запісаных палякамі, 74 беларусамі і 1 расейцам)^[7].