Жэрэмі Мэнэз

Жэрэмі Мэнэз (па-француску: Jérémy Ménez; нар. 7 траўня 1987 году, Лянжумо, Францыя) — францускі футбаліст. Раней выступаў за нацыянальную зборную Францыі. Нападнік, таксама можа гуляць на пазыцыі паўабаронцы.

Жэрэмі Мэнэз
Пэрсанальная інфармацыя
Нарадзіўся	7 траўня 1987(1987-05-07)[1][2][3] (38 гадоў) Лянжумо[d]
Рост	183 см[4]
Вага	77 кг[4]
Пазыцыя	флянгавы паўабаронца
Клюбы
Гады	Клюб	Гульні (галы)¹
2004—2006	Сашо	55 (7)
2006—2008	Манака	57 (14)
2008—2011	Рома	84 (7)
2011—2014	Пары Сэн-Жэрмэн	79 (14)
2014—2016	Мілян	43 (18)
2016—2017	Бардо	26 (3)
2017	Антальяспор	7 (0)
2018—2019	Амэрыка Мэхіка	18 (5)
2019—2020	Парыж	17 (4)
2020—2023	Рэджына[d]	67 (13)
2023—2024	Бары[d]	10 (0)
Зборныя
2007—2008	Францыя Б[d]
2010—2013	Францыя	24 (2)

Кар’ера

«Сашо»

Мэнэз пачынаў сваю кар’еру ў «Сашо». Першы кантракт з клюбам ён падпісаў у 16 гадоў. Дэбютаваў у Лізе 1 27 жніўня 2004 году, у матчы супраць «Аячча».

22 студзеня 2006 году Мэнэз заявіў пра сябе ў поўны голас, зрабіўшы хет-трык у матчы з «Бардо», стаўшы самым юным аўтарам хет-трыку за ўсю гісторыю францускай лігі. Неўзабаве ён быў прызнаны лепшым гульцом месяца. Дзякуючы выдатнай тэхніцы, маладога гульца параўноўвалі з Зыданам.

«Манака»

Сэзон 2006—2007 гадоў Мэнэз пачынаў ужо ў складзе «Манака». Кіраўніцтва «манэгаскаў» бачыла ў ім «новага» Людавіка Жулі. У гэтым жа годзе Мэнэз выклікаўся ў зборную Францыі й дэбютаваў у ейным складзе ў матчы супраць зборнай Шатляндыі. Неўзабаве гульцом зацікавіўся мілянскі «Інтэр», але клюбы не сышліся ў кошце гульца.

«Рома»

У канцы жніўня 2008 году Мэнэз перайшоў у «Рому». Свой першы гол за «Рому» Жэрэмі забіў 6 сьнежня 2008 году ў матчы супраць «К’ева».

«Пары Сэн-Жэрмэн»

25 ліпеня 2011 году падпісаў кантракт з клюбам «Пары Сэн-Жэрмэн» тэрмінам на 3 гады^[5][6]. 6 жніўня 2011 году Мэнэз дэбютаваў за парыскі клюб у першым туры чэмпіянату, дзе псж трывала хатнюю паразу зь лікам 0:1 ад «Ляр’ену». На наступны тыдень Жэрэмі асыставаў Кевіну Гамэйро, які адкрыў лік у матчы супраць «Рэну» (1:1). 18 жніўня 2011 году француз узяў удзел у матчы Лігі Эўропы супраць люксэмбурскага клюбу «Дыфэрданж», дзе гулец забіў апошні гол каманды, якая перамагла зь лікам 4:0. Праз тры дні Жэрэмі зноўку асыставаў Гамэйро, а ПСЖ атрымаў перамогу ў гасьцёх зь лікам 2:1 у матчы супраць «Валянсьену». Першы гол у чэмпіянаце за ПСЖ забіў 28 жніўня 2011 году ў матчы трэцяга тура супраць «Тулюзы».

Пад кіраўніцтвам Антуана Камбуарэ і Карлё Анчэлёцьці Мэнэз быў гульцом асноўнага складу клюбу, рэгулярна ўдзельнічаючы ў матчах каманды. Аднак з сэзону 2012—2013 гадоў нападнік пачаў страчваць месца ў складзе, усё радзей зьяўляючыся на пляцоўцы.

«Мілян»

11 чэрвеня 2014 году гулец перайшоў у італьянскі клюб «Мілян», зь якім падпісаў 3-гадовы кантракт.

Міжнародная кар’ера

У 2010 годзе з прычыны дыскваліфікацыі некаторых гульцоў асновы дарослай зборнай быў выкліканы на матч з камандай Нарвэгіі, у той жа гульні ён дэбютаваў у складзе «трохкаляровых».

Дасягненьні

«Пары Сэн-Жэрмэн»:

• Чэмпіён Францыі: 2013, 2014
• Уладальнік Кубка Францыі: 2014

«Амэрыка»:

• Чэмпіён Мэксыкі: 2018(а)
• Уладальнік Кубка Мэксыкі: 2019(к)
• Уладальнік Супэркубка Мэксыкі: 2019