Задор’еўскі сельсавет

Задо́р’еўскі сельсавет^[1] (таксама — Задо́рскі сельсавет^[2]) — адміністрацыйна-тэрытарыяльная адзінка ў складзе Лагойскага раёну Менскай вобласьці. Адміністрацыйны цэнтар — вёска Задор’е.

Задор’еўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Задор’е
Дата ўтварэньня	16 ліпеня 1954
Насельніцтва	▼1389 чал. (2019)
Мэдыя-зьвесткі
Часавы пас	UTC+03:00
Паштовыя індэксы	223141
Дадатковыя мультымэдыйныя матэрыялы

Гісторыя

16 ліпеня 1954 году створаны ў складзе Плешчаніцкага раёну Менскай вобласьці. 25 сьнежня 1962 году раён скасаваны, сельсавет далучаны да Лагойскага раёну.

30 студзеня 1976 году да сельсавету далучана частка скасаванага Прусавіцкага сельсавету (вёскі Васількоўка і Шылы)^[3].

У 1977 годзе ў склад сельсавета з Ізьбішчанскага сельсавету перададзены 7 населеных пунктаў: вёскі Вэнэра, Выгар, Дзьвінаса, Краснае, Лесьнікі, Луськае, пасёлак Задор’е^[4].

30 кастрычніка 2009 году ў склад сельсавету перададзеныя ўсе населеныя пункты — Ізьбішча, Мацеева, Папоўцы, Сакавічы, Хацень, Шамаўка, Юрылава — скасаванага Ізьбішчанскага сельсавету^[5].

29 чэрвеня 2010 году ліквідаваная вёска Гаравец^[6]. 28 сьнежня 2012 году ліквідаваная вёска Востраў 1^[7].

Насельніцтва

Насельніцтва сельсавету паводле перапісу 2009 году (27 населеных пунктаў) — 1290 чалавек^[8], зь іх 96,4% — беларусы, 2,2% — расейцаў, 0,6% — украінцы, 0,4% — палякі^[9].