Заляшаны (Беластоцкі павет)

Заляша́ны (па-польску: Zaleszany, на мясцовай беларускай гаворцы: Зале́шана або Зале́шаны^[2]) — вёска ў Беластоцкім павеце Падляскага ваяводзтва Польшчы. Знаходзіцца ў гміне Міхалова.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Заляшаны.

Заляшаны
польск. Zaleszany
Былая назва:	Залясяны
Мясцовая назва:	Залешана
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Насельніцтва:	64 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	52°57′33″ пн. ш. 23°55′40″ у. д.
Заляшаны на мапе Польшчы Заляшаны

Насельніцтва

Жыхары вёскі ў большасьці каталікі (парафія Перамяненьня Панскага ў Ялаўцы^[3]), пераважна польскай нацыянальнай ідэнтыфікацыі. Невялікую частку складаюць праваслаўыя (прыход Узьнясеньня Крыжа Гасподняга ў Ялаўцы) зь беларускай нацыянальнай ідэтыфікацяй.

Гісторыя

Першыя хаты Заляшанаў зьявіліся на пачатку 16 ст. пры ваўкавыска-белськім гасьцінцы. У 1631 г. пражывалі тут 71 сем'і і была гэта самая вялікая вёска ў ялаўскім старастве. Акрамя мужыкоў пражывалі тут м.ін. ялаўскі цівун (наглядчык маёнтку) Адам Каралевіч, русіноўскі^[a] цівун Шымка Бараўнік і бондары Мікалай Ячэніц і Мацей Амброзенін. Пасьля войнаў паловы 17 ст. Заляшаны былі зьнішчаннымі, у 1701 г. пражывалі тут толькі 34 сем'і, а да 1764 г. іхняя колькасьц узрасла толькі да 39. Да 1857 г. колькасьць населніцтва вёскі ўзрасла да 413 чалавек, але эпідэмія халеры з 1860 г ізноў забрала больш за палавіну жыхароў. У 1915 г. большасьць з тадышніх 115 сем'яў заляшанцаў падалося ў бежанства ў Расею^[4]. У міжваенны пэрыяд Заляшаны прыналежалі да гміны Ялаўка Ваўкавыскага павету(be) Беластоцкага ваяводзтва. Паводле польскага перапісу насельніцтва 1921 г. пражывала тут 531 жыхароў (439 каталікоў, 91 праваслаўных і 1 габрэй; акрамя габрэя ўсе жыхары былі пагалоўна запісаныя палякамі)^[5]. Пасьля Другой сусьветнай вайны Цісоўка была далучаная да гміны Міхалова. Пасьля 1944 г. Заляшаны першапачаткова знайшліся ў межах БССР, але пасьля канчатковага правядзеньня дзяржаўнай мяжы ў 1947 г. адышлі да Польшчы. У 1946 г. у Заляшанах пражывала 603 чалавек і з таго маменту колькасьць насельніцтва сістэматычна спадае^[4]. Пасьля Другой сусьветнай вайны Заляшаны ўваходзяць у склад гміны Міхалова.

Заўвагі

1. Русінова - былы маёнтак на захад зь вёскай, які існаваў да пачатку 18 ст.