Заходнядзьвінскі раён

Заходнядзьві́нскі раён (па-расейску: Западнодвинский район) — адміністрацыйна-тэрытарыяльная адзінка на паўднёвым захадзе Цьвярской вобласьці ў Расеі. Адміністрацыйным цэнтрам зьяўляецца горад Заходняя Дзьвіна.

Заходнядзьвінскі раён
Герб
Агульныя зьвесткі
Краіна	Расея[1]
Статус	муніцыпальны раён[d]
Адміністрацыйны цэнтар	Заходняя Дзьвіна[d][1]
Дата ўтварэньня	1927
Насельніцтва	▼12 497 чал. (2021)[2]
Плошча	2816 км²
Месцазнаходжаньне
Мэдыя-зьвесткі
Часавы пас	маскоўскі час, UTC+03:00
Код аўтам. нумароў	69
Афіцыйны сайт
Дадатковыя мультымэдыйныя матэрыялы

Геаграфія

Заходнядзьвінскі раён мяжуе з Таропецкім, Андрэапальскім, Нялідаўскім і Жаркоўскім раёнамі, а таксама з Смаленскай і Пскоўскай абласьцямі. Плошча раёну складае 2815,87 км².

Гісторыя

Заходнядзьвінскі раён быў утвораны ў 1927 годзе ў адпаведнасьці з пастановай УЦВК і СНК РСФСР і меў ад пачатку назву Акцябарскі раён. З 1944 па 1957 гады ўваходзіў у склад Вялікалускай вобласьці. У 1963 годзе атрымаў сваю сёньняшнюю назву.