Зьдзіслаў Сіцька

Зьдзіслаў Сіцька (1939, в. Пашкоўцы, Баранавіцкі павет, Наваградзкае ваяводзтва, Польшча) — беларускі пісьменьнік, перакладнік, журналіст і гісторык^[1]. Аўтар шматлікіх артыкулаў па гісторыі й культуры Беларусі, Вялікага Княства Літоўскага.

Зьдзіслаў Сіцька лац. Ździsłaŭ Sićka
Асабістыя зьвесткі
Нарадзіўся	1939(1939) в. Пашкоўцы, Баранавіцкі павет, Наваградзкае ваяводзтва, Польшча
Літаратурная дзейнасьць
Род дзейнасьці	пісьменьнік, перакладчык, журналіст
Жанр	артыкул, біяграфія

Біяграфія

У 1974 годзе скончыў журналісцкі факультэт БДУ. Працаваў на кінастудыі «Беларусьфільм», у Дзяржкамітэце па кінематаграфіі, быў супрацоўнікам газэты «Наша слова», часопісаў «Роднае слова», «Дыялог» (Баранавічы). Рэдактар газэты «Гаспадар» (Баранавічы).

У 2009 годзе ўвайшоў у грамадзкі арганізацыйны камітэт «Міленіюм Літвы». У звароце арганізацыйнага камітэту паведамлялася, што назва Літва датычыцца старажытнай тэрыторыі Беларусі, а цяперашнія беларусы да пачатку XX стагодзьдзя называлі сябе ліцьвінамі^[2].

Творы

Кнігі

• Чалавек, які збіраў камяні: Ігнат Дамейка. — Менск: Тэхналогія, 2005.
• Утроп Літвы. — Смаленск: Новая школа, 2009. — 322 с., 290 ас.

Артыкулы

• «…ясней ад перлаў і золата кароны» (да 750-годдзя каранацыі Міндоўга) // Беларускі Гістарычны Часопіс. № 5, 2003.