Казімер Уладзіслаў Сапега

Казімер Уладзіслаў Сапега (1650, места Кодань — 29 красавіка 1703, сяло Капылы) — дзяржаўны дзяяч Вялікага Княства Літоўскага. Падстолі (1685—1686) і стольнік вялікі літоўскі (1686), Падскарбі надворны літоўскі (1686—1689), кашталян (1689—1697) і ваявода троцкі (1697)^[6].

Казімер Уладзіслаў Сапега
лац. Kazimier Uładzisłaŭ Sapieha

Казімер Уладзіслаў Сапега
Герб Ліс
Асабістыя зьвесткі
Нарадзіўся	1650[1][2][3][…] Кодань, Берасьцейскі павет, Берасьцейскае ваяводзтва, Вялікае Княства Літоўскае
Памёр	29 красавіка 1703(1703-04-29)[1][4][5]
Пахаваны	Кодань[4]
Род	Сапегі
Бацькі	Ян Фрыдэрык Сапега Канстанцыя з Гербутаў
Жонка	Францішка з Копцяў Ганна Вінцэнта з Фрэдраў
Дзеці	Юстына Ганна, Ян Фрыдэрык, Людвіка Алена, Цэцылія Соф’я, Мікалай, Канстанцыя, Ян
Дзейнасьць	вайсковец

У 1670-я гады атрымаў у валоданьні палову Гальшанаў (з замкам).

Біяграфія

З коданскай лініі магнацкага роду Сапегаў гербу Ліс, сын Яна Фрыдэрыка і Канстанцыі з Гербутаў. Меў братоў Паўла Францішка і Мікалая Лявона.

Навучаўся ў езуіцкіх адукацыйных установах у Львове і Брунсбэргу. Працягваў адукацыю на Захадзе, наведаў Італію, Францыю, Галяндыю і Нямеччыну.

Па вяртаньні ў Літву ўзяў удзел у бітве пад Хоцінам. Апроч таго, браў удзел у войнах з туркамі ў 1673, 1676 і 1683 гадох.

Займаў некалькі высокіх дзяржаўных пасадаў, абіраўся паслом на сойм 1683 году. У 1697 годзе на выбарах караля і вялікага князя падтрымаў Аўгуста Моцнага^[7].

У першым шлюбе з Францішкай Копец меў сыноў Яна Фрыдэрыка і Мікалая, дачок Юстыну Ганну, Людвіку Алену, Цэцылію Соф’ю і Канстанцыю. У другім шлюбе з Ганнай Вінцэнтай Фрэдра меў сына Яна^[8].