Кальварышкі

Кальварышкі — гістарычная мясцовасьць Менску, разьмешчаная ў паўночна-заходняй частцы места, на правым беразе ракі Сьвіслачы.

Кальварышкі. Ч. Манюшка, 1846 р.

Фальварак Кальварышкі ўзьнік побач зь Весялоўкай, ягоная назва тлумачыцца як «маленькая кальварыя»^[1].

У 1700 року стольнік і падстароста менскі Антоні Тэадор Ваньковіч ахвяраваў Кальварышкі Менскаму кляштару баніфратаў. У той час фальварак налічваў 1 валоку і 15 моргаў ворнай зямлі, а таксама зьмяшчаў комплекс жылых і гаспадарчых пабудоваў^[2].

У 1846 року Часлаў, бацька Станіслава Манюшкі, адлюстраваў на сваім малюнку выбіраньне бульбы ў Кальварышках.

У пачатку XX ст. Кальварышкі далучылі да Весялоўкі^[3].