Кальварыя Жамойцкая

Кальва́рыя Жамо́йцкая (лет. Žemaičių Kalvarija) — мястэчка ў Летуве, на рацэ Вардуве. Адміністрацыйны цэнтар Кальварыйска-Жамойцкага староства Плунгянскага раёну Цельшаўскага павету. Насельніцтва на 2001 год — 798 чалавек. Знаходзіцца на паўночным захадзе краіны, за 26 км ад Плунгянаў. Згодна з сучаснай афіцыйнай летувіскай клясыфікацыяй мястэчка належыць да этнаграфічнага рэгіёну «Жамойць».

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кальварыя (неадназначнасьць).

Кальварыя Жамойцкая
лет. Žemaičių Kalvarija
Краявід мястэчка
Герб Кальварыі Жамойцкай
Першыя згадкі:	1253
Краіна:	Летува
Павет:	Цельшаўскі
Раён:	Плунгянскі
Вышыня:	195 м н. у. м.
Насельніцтва:	798 чал. (2001)
Часавы пас:	UTC+2
летні час:	UTC+3
Геаграфічныя каардынаты:	56°7′0″ пн. ш. 22°1′0″ у. д.
Кальварыя Жамойцкая на мапе Летувы Кальварыя Жамойцкая
Галерэя здымкаў у Вікісховішчы

Кальварыя Жамойцкая — адзін з галоўных культурных і рэлігійных цэнтраў Жамойці.

Гісторыя

Да сярэдзіны XVII стагодзьдзя мела назву Горды (вядомыя з 1253 году), у складзе Жамойці^[1]. У сярэдзіне XVI стагодзьдзя тут збудавалі касьцёл.

У 1637 годзе жамойцкі біскуп Ежы Тышкевіч заснаваў у Гордах кляштар дамініканаў (з 1644 году дзейнічала школа). У 1639—1642 гадах збудаваў новы касьцёл і крыжовы шлях даўжынёй 7 км з 19 стацыямі, які ішоў дадолу праз 7 гораў: Бярозавую, Жвіравую, Сьв. Яна, Шатрыйскую, Піўнічную, Крыжовую і Сьв. Алены.

У 1642 годзе Тышкевіч заснаваў мястэчка Кальварыя Жамойцкая. У 1750 годзе тут збудавалі новы мураваны касьцёл. На 1789 год у мястэчку было 74 дымы.

У выніку трэцяга падзелу Рэчы Паспалітай (1795) апынулася ў складзе Расейскай імпэрыі.

З 1918 году — у складзе Летувы.

Славутасьці

• Касьцёл Візытацыі Найсьв. Панны Марыі і кляштар дамініканаў (XVIII ст.)
• Капліцы-стацыі Крыжовага шляху (XVIII—XIX стагодзьдзі)

Галерэя

• 
  Касьцёл Візытацыі Найсьв. Панны Марыі
• 
  Інтэр’ер Малой Базылікі
• 
  Адна са стацыяў Крыжовага шляху