Камень філярэтаў

Каме́нь філярэ́таў — геалягічны помнік прыроды ў Беларусі (з 1972 р.). Знаходзіцца за 500 м на паўночны захад ад в. Карчова Баранавіцкага раёну Берасьцейскай вобласьці, ва ўрочышчы Кут, недалёка ад Туганавіцкага парку.

Геалягічны помнік прыроды
Камень філярэтаў
Камень філярэтаў, Т. Барэці, да 1900 г.
Краіна	Беларусь
Карчова	Баранавіцкі раён
Статус	Дзяржаўны сьпіс гісторыка-культурных каштоўнасьцяў Рэспублікі Беларусь[1]
Камень філярэтаў на Вікісховішчы

Валун сярэднезярністага граніту з крышталямі амфіболу. Даўжыня 4,1 м, шырыня 3 м, вышыня 1,9 м, у абводзе 13,9 м, аб’ём 12 м³, маса каля 32 т. Прынесены ледавіком каля 200—120 тысячаў гадоў таму са Скандынавіі.

Месца сустрэч «філярэтаў», сябраў кансьпіратыўнага таварыства патрыятычнай студэнцкай моладзі: А. Міцкевіча, Т. Зана, Я. Чачота, І. Дамейкі, Ю. Яжэўскага, Ф. Малеўскага і інш. У сувязі з гэтым валун атрымаў вядомасьць як «Камень філярэтаў».