Канстанцін Галкоўскі

Канстанці́н Галко́ўскі (16 чэрвеня 1875, Вільня — 20 лютага 1963, Вільня) — беларускі й летувіскі кампазытар, дырыгент і пэдагог. Народны артыст ЛетССР.

Канстанцін Галкоўскі
Konstantinas Galkauskas
Нарадзіўся	16 чэрвеня 1875(1875-06-16) Вільня, Расейская імпэрыя
Памёр	20 лютага 1963(1963-02-20) (87 гадоў) Вільня, Летувіская Савецкая Сацыялістычная Рэспубліка, СССР
Пахаваны	Антокальскія могілкі
Прэміі	Народны артыст Літоўскай ССР[d]

Жыцьцяпіс

Бацька Канстанціна паходзіў з Магілёўшчыны, маці — зь Меншчыны, з шляхецкага роду Наркевіч-Ёдкаў.

Скончыў Пецярбурскую кансэрваторыю (1908), вучань Мікалая Рымскага-Корсакава, Аляксандра Глазунова, Анатоля Лядава. У 1909 пераехаў у Вільню, арганізаваў першы сымфанічны аркестар.

Падчас Другой сусьветнай вайны працаваў у Віленскай беларускай гімназіі. Па вайне стаў заслужаным дзеячом мастацтва Летувы (1945), прафэсар Летувіскай кансэрваторыі (1947), народны артыст Летувіскай ССР (1955).

Жыў у Вільні па вуліцы Завальнай (цяпер Pylimo, 20). Пахаваны на Антокальскіх могілках^[1].

Аўтар многіх твораў, заснаваных на беларускім фальклёры, музыкі рамансаў і хораў на вершы беларускіх паэтаў Ф. Багушэвіча, Я. Купалы, Я. Коласа, М. Танка, Зьм. Бядулі, К. Буйло, М. Машары, М. Васілька.

Народны артыст ЛетССР.