Касьцёл Беззаганнага Зачацьця Найсьвяцейшай Панны Марыі (Быхаў)

From Wikipedia, the free encyclopedia

Касьцёл Беззаганнага Зачацьця Найсьвяцейшай Панны Марыі (Быхаў)
Remove ads

Касьцёл Беззаганнага Зачацьця Найсьвяцейшай Панны Марыі — помнік архітэктуры XVIII стагодзьдзя ў Быхаве. Знаходзіўся на высокім правым беразе ракі Дняпра, на поўнач ад замка, на Касьцельнай вуліцы. Твор архітэктуры барока з элемэнтамі клясыцызму. У 1960-я гады савецкія ўлады зруйнавалі касьцёл. Да нашага часу захаваліся падмуркі і суседні будынак кляштару канонікаў лятэранскіх.

Помнік сакральнай архітэктуры
Касьцёл Беззаганнага Зачацьця Найсьвяцейшай Панны Марыі
Thumb
Касьцёл на малюнаку-рэканструкцыі С. Лявіцкага
КраінаБеларусь
МестаБыхаў
Каардынаты53°31′8.72″ пн. ш. 30°15′31.97″ у. д.
Дата заснаваньняXVIII ст.
Касьцёл Беззаганнага Зачацьця Найсьвяцейшай Панны Марыі на мапе Беларусі
Thumb
Касьцёл Беззаганнага Зачацьця Найсьвяцейшай Панны Марыі
Касьцёл Беззаганнага Зачацьця Найсьвяцейшай Панны Марыі
Касьцёл Беззаганнага Зачацьця Найсьвяцейшай Панны Марыі на Вікісховішчы

Remove ads

Гісторыя

Вялікае Княства Літоўскае

Thumb
У панараме места, 1840 г.
Thumb
Плян касьцёла

У 1619 годзе уладальнікі Быхава Хадкевічы[1] фундавалі ў ім кляштар канонікаў лятэранскіх з драўляным касьцёлам пад тытулам Сьвятога Казімера. Існуюць зьвесткі, што за часамі вайны Маскоўскай дзяржавы з Рэччу Паспалітай (1654—1667) маскоўскі гаспадар Аляксей Міхайлавіч, войскі якога акупавалі места, загадаў гвалтоўна перарабіць існы мураваны касьцёл пад царкву Маскоўскага патрыярхату[2].

У 1765 годзе тагачасныя ўладальнікі Быхава Сапегі збудавалі на месцы драўлянага новы мураваны касьцёл пад тытулам Беззаганнага Зачацьця Найсьвяцейшай Панны Марыі. На 1744 год парафія належала да Аршанскага дэканату і ўлучала, апрача Старага і Новага Быхава, 24 населеныя пункты.

Пад уладай Расейскай імпэрыі

Па першым падзеле Рэчы Паспалітай (1772 год), калі Быхаў апынуўся ў складзе Расейскай імпэрыі, касьцёл і кляштар працягвалі дзеяць. Існуюць зьвесткі, што па здушэньні вызвольнага паўстаньня (1830—1831) расейскія ўлады ліквідавалі кляштар і зруйнавалі касьцёл, муры якога вярнулі каталікам толькі ў пачатку XX стагодзьдзя[2].

Наноўшы час

За савецкім часам бальшавікі зачынілі касьцёл, а потым ўзарвалі касьцельную званіцу. Канчаткова будынак касьцёла зруйнавалі ў 1960-я гады.

Remove ads

Архітэктура

Касьцёл — помнік архітэктуры барока з элемэнтамі клясыцызму. Асобна стаяла вышынная дамінанта — 3-ярусная вежа-званіца.

Касьцельны пляц атачаўся мурам з брамай.

Галерэя

Крыніцы

Літаратура

Вонкавыя спасылкі

Loading related searches...

Wikiwand - on

Seamless Wikipedia browsing. On steroids.

Remove ads