Касьцёл Маці Божай Каралевы (Мікашэвічы)

Касьцёл Маці Божай Каралевы — помнік архітэктуры першай паловы XX стагодзьдзя ў Мікашэвічах. Знаходзіцца ў цэнтры места^[a]. Твор архітэктуры нэаготыкі, мастацкае аблічча якога пацярпела ў выніку надбудовы купалоў-цыбулінаў.

Помнік сакральнай архітэктуры
Касьцёл Маці Божай Каралевы
Касьцёл Маці Божай Каралевы, аўтэнтычны выгляд
Краіна	Беларусь
Места	Мікашэвічы
Каардынаты	52°13′22.13″ пн. ш. 27°27′52.37″ у. д.
Канфэсія	Беларуская праваслаўная царква
Эпархія	Пінская япархія
Архітэктурны стыль	нэаготыка
Дата заснаваньня	1936
Касьцёл Маці Божай Каралевы на мапе Беларусі Касьцёл Маці Божай Каралевы
Касьцёл Маці Божай Каралевы на Вікісховішчы

У наш час у будынку касьцёла дзее царква Сьвятога Яна Прадцечы Беларускага экзархату Маскоўскага патрыярхату.

Гісторыя

Мураваны касьцёл у Мікашэвічах збудавалі ў 1936 годзе.

У 1960-я гады савецкія ўлады зачыніні касьцёл. У 1990-я гады будынак перадалі Беларускаму экзархату Маскоўскага патрыярхату. Тады ж у выніку рэканструкцыі над будынкам паставілі шэраг купалоў-цыбулінаў, а таксама вежу, завершаную высокім шатром з цыбулінай.

Архітэктура

Помнік архітэктуры нэаготыкі. Гэта прастакутны ў пляне вышынны аб’ём пад 2-схільным дахам з прыбудовамі ніжэйшых крылаў трансэпта пад 2-схільнымі дахамі і апсыды пад вальмавым пакрыцьцём. Роўнічны франтальны фасад завяршаецца трыкутным франтонам, падзеленых 2-яруснай аркатурай, восьсю сімэтрыі адзначаецца аркавым пэрспэктыўным парталам. Бакавыя фасады праразаюцца высокімі лучковымі і невялікімі аркавымі аконнымі праёмамі з броўкамі^[1].

Галерэя

Гістарычныя здымкі

• Старыя здымкі
• 
  да 1939 г.
• 
  1936 г.
• 
  1942 г.
• 
  1943 г.

Сучасныя здымкі

• Сучасны стан
• 
  2014 г.
• 
  2014 г.
• 
  2020 г.

Заўвагі

1. Цяперашні афіцыйны адрас — вуліца Ленінская