Касьцёл Найсьвяцейшай Панны Марыі (Чавусы)

Касьцёл Найсьвяцейшай Панны Марыі — помнік архітэктуры пачатку XX стагодзьдзя ў Чавусах. Знаходзіўся на Чырвонай вуліцы пры Конным пляцы^[a]. Твор архітэктуры нэаготыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Найсьвяцейшай Панны Марыі (неадназначнасьць).

Помнік сакральнай архітэктуры
Касьцёл Найсьвяцейшай Панны Марыі
Інтэр'ер касьцёла
Краіна	Беларусь
Места	Чавусы
Каардынаты	53°48′32.50″ пн. ш. 30°58′23.60″ у. д.
Канфэсія	Каталіцкая царква
Архітэктурны стыль	нэаготыка
Дата заснаваньня	1913
Касьцёл Найсьвяцейшай Панны Марыі на мапе Беларусі Касьцёл Найсьвяцейшай Панны Марыі

На мяжы 1950—1960-х гадоў савецкія ўлады зьнішчылі касьцёл.

Гісторыя

Новы касьцёл у Чавусах збудавалі ў 1913 годзе.

У 1930-я гады савецкія ўлады зачынілі касьцёл. Па Другой сусьветнай вайны ў канцы 1950-х — пачатку 1960-х гадоў яны разабралі будынак на цэглу^[1].

Архітэктура

Помнік архітэктуры нэаготыкі. Гэта была 3-нэфавая бязьвежавая базыліка з 3-граннай апсыдай^[2].

Унутраная прастора перакрывалася стрэльчатымі скляпеньнямі на гранёных слупах. Барокавы алтар меў выгляд дзьвюх калёнаў зь фігурным франтонам. На левай сьцяне прэзьбітэрыюму знаходзіўся кансольны амбон. На хорах быў арган^[1].

Заўвагі

1. Цяпер на гэтым месцы знаходзіцца Чавускі аддзел Белаграпрамбанку