Касьцёл Сьвятога Юрыя і Божай Маці (Пяршаі)

Касьцёл Сьвятога Юрыя і Божай Маці — помнік архітэктуры першай паловы XX стагодзьдзя ў Пяршаях. Знаходзіцца ў цэнтры колішняга мястэчка на гістарычнай Касьцельнай вуліцы. Дзее. Твор архітэктуры нэараманскага стылю. Аб’ект Дзяржаўнага сьпісу гістарычна-культурных каштоўнасьцяў Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Сьвятога Юрыя і Божай Маці (неадназначнасьць).

Помнік сакральнай архітэктуры
Касьцёл Сьвятога Юрыя і Божай Маці
Касьцёл Сьвятога Юрыя і Божай Маці
Краіна	Беларусь
Вёска	Пяршаі
Каардынаты	54°02′08″ пн. ш. 26°40′52″ у. д.
Канфэсія	каталіцтва
Эпархія	Менска-Магілёўская архідыяцэзія
Архітэктурны стыль	эклектыка
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Сьвятога Юрыя і Божай Маці на мапе Беларусі Касьцёл Сьвятога Юрыя і Божай Маці
Касьцёл Сьвятога Юрыя і Божай Маці на Вікісховішчы

Гісторыя

Вялікае Княства Літоўскае

Першы драўляны касьцёл ў Пяршаях заснавалі ў 1545 годзе.

Пад уладай Расейскай імпэрыі

Па другім падзеле Рэчы Паспалітай (1793 год), калі Пяршаі апынуліся ў складзе Расейскай імпэрыі, касьцёл працягваў дзеяць.

Найноўшы час

У 1933 годзе з фундацыі графа В. Тышкевіча ў мястэчку збудавалі мураваны касьцёл. У 1960 годзе савецкія ўлады зачынілі касьцёл і часткова зруйнавалі яго. У 1990-я гады касьцёл вярнулі каталікам, якія аднавілі помнік архітэктуры.

Архітэктура

Помнік архітэктуры нэараманскага стылю. Гэта прастакутны ў пляне 3-нэфавы аб’ём, накрыты 2-схільным дахам. Алтарная частка паўцыркульная з бакавымі закрысьціямі. На галоўным фасадзе шырокі рызаліт з 2-гранным шчытом, з бакоў якога ўзвышаюцца дзьве васьмерыковыя шатровыя вежы-званіцы. У цэнтры верхняга яруса рызаліта шырокая аркавая ніша, якая аб’ядноўвае 3-аркавыя аконныя праёмы; пад імі 3-аркавая 2-пілённая лоджыя галоўнага ўвахода. Сьцены абапал рызаліта завяршаюцца прастакутнымі атыкамі з зубчастымі фрызамі. Астатнія фасады роўнічныя, рытмічна падзяляюцца пілястрамі і прастакутнымі аконнымі праёмамі, апярэзваюцца карнізам і цягай простага профілю.

Малітоўная заля перакрываецца роўнай стольлю, апсыда — конхай зь люнэтамі^[1].

Галерэя

Гістарычныя здымкі

• Старыя здымкі
• 
  Стары касьцёл, 1914 г.
• 
  1930-я гг.
• 
  1930-я гг.

Сучасныя здымкі

• Сучасны стан
• 
  Галоўны фасад
• 
  З боку апсыды
• 
  Інтэр'ер