Катастрофа МіГ-29 пад Ганцавічамі (2010)

Катастрофа МіГ-29 пад Баранавічамі — авіякатастрофа, якая адбылася 23 верасьня 2010 году за 3-5 км^[1] ад вёскі Разьдзялавічы Ганцавіцкага раёну^[2].

Катастрофа МіГ-29 пад Ганцавічамі
Зьвесткі пра катастрофу
Дата	23 верасьня 2010 г.
Характар	паденьне на зямлю
Месца катастрофы	Ганцавічы, Берасьцейская вобласьць
Пункт вылету	61-я зьнішчальная авіяцыйная база ВПС і войскаў СПА Узброеных сіл (Баранавічы)
Паветранае судна
Назва самалёта	МіГ‑29
Пасажыры	0
Экіпаж	2
Загінулі	2
Выжылі	0

На 1 лістапада 2010 расьледваньне абставін катастрофы было скончана. Вынікі не афішаваныя былі перарадзены Міністру ўзброеных сілаў Юрыю Жадобіну. Зьнятая заброна на палёты Міг-29^[3].

Абставіны

Зьнішчальнік МіГ-29 61-й зьнішчальнай авіяцыйнай базы ВПС і войскаў СПА Узброеных сіл (Баранавічы) выконваў плянавыя палёты. Катастрофа адбылася а 16:20^[4] пад Ганцавічамі пры выкананьні элемэнтаў пілатажу павышанай складанасьці^[5]. Паводле зьвестак Мінабароны, прадухіляючы падзеньне самалёту на населеныя пункты, экіпаж адвёў машыну ў раён лясіста-балоцістай мясцовасьці, дзе і адбылося яе крушэньне. Пілоты загінулі^[6].

Сьлед падзеньня расьцягнуўся прыкладна на 300 мэтраў па лесе, зрэзаўшы і паваліўшы дрэвы^[7].

Самалёт

МіГ-29УБ 61-й зьнішчальнай авіяцыйнай базы раней быў на ўзбраеньні 927-й зьнішчальнай авіяцыйнай базы, якая дыслякавалася на аэрадроме «Асаўцы» (Бяроза). У жніўні 2010 асабісты састаў і тэхніка 927-й ЗАБ ўвайшлі ў склад 61-й ЗАБ^[8].

Зьнішчальнік быў застрахаваны, паведаміў начальнік прэс-службы Мінабароны Вячаслаў Раменчык^[1].

Ахвяры

Загінулі ўсе чальцы экіпажу:

• лётчык 1-га клясу, камандзір авіяцыйнай эскадрыльлі падпалкоўнік Сяргей Каваленка
• лётчык 2-га клясу, намесьнік камандзіра авіяцыйнага зьвяна маёр Аляксандар Жыгайла.