Катэдра Сьвятой Альжбэты

Ка́тэдра Сьвято́й Альжбэ́ты (па-славацку: Dóm svätej Alžbety, па-вугорску: Szent Erzsébet-székesegyház) — гатычная катэдра ў Кошыцах, якая ёсьць найбуйнейшай у Славаччыне царквой і адной з самых усходніх гатычных катэдраў Эўропы^[3].

Славутасьць
Катэдра Сьвятой Альжбэты
Краіна	Славаччына
Месцазнаходжаньне	Кошыцы і Old Town[d][1]
Каардынаты	48°43′12.8″ пн. ш. 21°15′29.18″ у. д.
Канфэсія	каталіцтва
Эпархія	арцыбіскупства Кошыцэ[d]
Архітэктурны стыль	гатычная архітэктура[1]
Дата заснаваньня	1378
Статус	Нацыянальныя помнікі культуры Славаччыны[d][2]
Сайт	domsvalzbety.sk (славацк.)
Катэдра Сьвятой Альжбэты на мапе Славаччыны Катэдра Сьвятой Альжбэты
Катэдра Сьвятой Альжбэты на Вікісховішчы

Запіс існаваньня гораду, датаваны 1230 годам, зьвязаны з існаваньнем царквы. Працэс пераўтварэньня паселішча зь сельскае грамады знайшоў сваё адлюстраваньне ў катэдры. Паводле гістарычных і археалягічных крыніцаў, сучасная катэдра будавалася ў пэрыяд з 1378 па 1508 гады на месцы ранейшай царквы, таксама асьвечанай імём Сьвятой Альжбэтай Вугорскай. Паводле дакумэнтаў XIII стагодзьдзя, біскуп Эгера Андрэй II вылучыў кошыцкую парафію ў асобную юрысдыкцыю^[4].

У Сярэднявеччы царква некалькі разоў перажывала пажары, у XIX стагодзьдзі былі праведзеныя буйныя рэстаўрацыйныя работы пад кіраўніцтвам вядомага вугорскага архітэктара Імрэ Штайндля, прызнанага экспэрта па готыцы. Асноўныя рэстаўрацыйныя работы былі скончаны да 1904 году, але рэстаўрацыя крыпты і паўночнага парталу працягвалася да 2009 году. У 1906 годзе ў крыпце катэдры былі перапахаваны парэшткі Фэрэнца II Ракацы.