Кошыцы
места ў Славаччыне From Wikipedia, the free encyclopedia
Remove ads
Ко́шыцы (па-славацку: Košice, па-нямецку: Kaschau, па-вугорску: Kassa) — другі па велічыні горад Славаччыны й адміністрацыйны цэнтар Кошыцкага краю, месьціца на рацэ Горнадзе, каля самай мяжы з Вугоршчынай.
Кошыцы ёсьць важным гандлёвым, індустрыяльным і культурным цэнтрам усходняй Славаччыны. Тут разьмешчаны другі па велічыні ўнівэрсытэт краіны, а таксама маюцца мноства музэяў, выстаўкавых галерэяў і тэатраў. У горадзе месьціцца мэталюргічны камбінат U. S. Steel Košice, які зьяўляецца буйнейшым працадаўцам у рэгіёне. Акрамя таго, горад мае добрую чыгункавую сетку й міжнародны аэрапорт.
Remove ads
Гісторыя
Першы раз Кошыцы былі узгаданыя ў 1230 годзе. А з XIV стагодзьдзя горад становіцца другім па значнасьці горадам Славаччыны, якая на той момант уваходзіла ў Вугорскае каралеўства. У XV стагодзьдзі Кошыцы часова захапіў гусіт Ян Йіскра. У XVII—XVIII стагодзьдзях Кошыцы становяцца цэнтрам паўстаньняў супраць Габсбургаў і своеасаблівай сталіцай мяцежніка Фэрэнца Ракошы. У 1657 годзе тут быў закладзены ўнівэрсытэт. У 1919 годзе ў Кошыцы была абвешчана Славацкая Савецкая Рэспубліка, якая праіснавала нядоўга. У 1938—1944 гадох горад быў акупаваны Вугоршчынай.
Спорт
Галоўнай падзеяй спартовага жыцьцё гораду зьяўляецца традыцыйны кошыцкі маратон. Гэтае штогадовае спаборніцтва традыцыйна праходзіць у першую нядзелю кастрычніка й зьбірае некалькі тысячаў удзельнікаў[2].
У Кошыцах базуецца аднайменны футбольны клюб, які браў удзел у групавым этапе Лігі чэмпіёнаў сэзону 1997—1998 гадоў (першым са славацкіх клюбаў).
У 2012 годзе ў цэнтры гораду й ягоным навакольлі пройдзе чэмпіянат сьвету па спартовым арыентаваньні сярод юнакоў[3]. У старым цэнтры пройдзе спрынт (дыстанцыя з чаканым часам пераможцы 15 хвілінаў), а ў навакольлі, сярод карставых формаў рэльефу, пройдуць спаборніцтвы ў астатніх дысцыплінах.
Глядзіце таксама
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads