Клява (басэйн Нёмана)

Клява́ — рака ў Беларусі, левы прыток ракі Гаўі (басэйн Нёману). Цячэ ў Ашмянскім і Івейскім раёнах Гарадзенскай вобласьці. Даўжыня 56 км. Плошча вадазбору 270 км². Выдатак вады ў вусьці 2,3 м³/с. Сярэдні нахіл воднай паверхні 1‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Клява.

Рака

Клява лац. Klava
Агульныя зьвесткі
Выток	воз. Клявіца
Вусьце	Гаўя
Краіны басэйну	Беларусь
Вобласьці	Гарадзенская вобласьць
Даўжыня	56 км
Сярэднегадавы сьцёк	2,3 м³/с
Плошча басэйну	270 км²
Нахіл воднай паверхні	1 ‰
Галерэя здымкаў у Вікісховішчы

Асноўны прыток — рака Трапятушка. На рацэ стаіць гістарычнае мястэчка Трабы.

Пачынаецца на паўночным захадзе ад вёскі Клявіцы ў Ашмянскім раёне. Прымае сьцёк зь сеткі мэліярацыйных каналаў. Даліна выразная. Абалона двухбаковая (шырыня 100—400 м), месцамі адсутнічае. Рэчышча на працягу 17,6 км каналізаванае: ад вёскі Клявіцы да вёскі Доржаў (8 км) і ад вёскі Ганчароў да вёскі Пашкішкаў (9,6 км). Яго шырыня ў межань 3—7 м, у ніжняй плыні 10—12 м^[1].