Кляўдыя Рот

Кляўдыя Рот (па-нямецку: Claudia Roth; нар. 15 траўня 1955, Ульм(be), Бадэн-Вюртэмбэрг, Заходняя Нямеччына) – нямецкі палітык. Адзін з віцэ-прэзідэнтаў Бундэстагу.

Кляўдыя Рот
Дата нараджэньня	15 траўня 1955(1955-05-15)[1][2][3][…] (70 гадоў)
Месца нараджэньня	Ульм[d], Тубінген[d], Бадэн-Вюртэмбэрг, Заходняя Нямеччына[4]
Месца вучобы	Мюнхэнскі ўнівэрсытэт Людвіга-Максіміляна
Занятак	палітык, драматург, тэатразнаўка
Сябра ў	Атлянтычны мост[d]
Узнагароды	Bayerische Verfassungsmedaille in silver[d] Q134340001? (1995)
Сайт	claudia-roth.de
Кляўдыя Рот у Вікісховішчы

Палітычная кар’ера

Была дэпутатам Эўрапейскага парлямэнту зь 15 чэрвеня 1989 году па 27 верасьня 1998 году. У 1994 годзе ўзначаліла фракцыю Зялёныя — Эўрапейскі свабодны альянс(be).

З 1998 па 2001 год была дэпутатам Бундэстагу. З 2001 па 2002 год была сустаршынёю партыі Саюз 90/Зялёныя. Паколькі яна была пераабрана ў Бундэстаг у 2002 годзе й заняла пасаду там, ёй давялося пакінуць пасаду сустаршыні. На фэдэральнай дэлегаванай канфэрэнцыі 23 траўня 2003 году было прынята рашэньне дазволіць кіраўнікам партыі адначасова быць і дэпутатамі. 2 кастрычніка 2004 году Рот зацьвердзілі зноўку ў якасьці фэдэральнага сустаршыні партыі Саюз 90/Зялёныя. Яна заставалася на пасадзе да 2013 году.

22 кастрычніка 2013 году абрана віцэ-прэзыдэнтам Бундэстагу.

9 верасьня 2020 году ўзяла шэфства над Марыяю Калесьнікаваю, беларускаю актывісткаю за грамадзянскія правы й палітычнаю зьняволенаю^[5][6].

Рот жыве ў Швабіі й Бэрліне^[7].

Кнігі

• Claudia Roth: Das Politische ist privat, Erinnerungen für die Zukunft. Aufbau, Berlin 2006, ISBN 3-351-02635-8
• Roth, Fetsum: So geht Deutschland Westend, Frankfurt/Main 2016, ISBN 978-3-86489-147-2