Козьлікі (Гайнаўскі павет)

Ко́зьлікі (па-польску: Koźliki, па-падляску: Kốzliki) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Козьлікі.

Козьлікі
польск. Koźliki
Першыя згадкі:	1576
Мясцовая назва:	Kôzliki
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараў
Насельніцтва:	28 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-210
Нумарны знак:	BHA
Геаграфічныя каардынаты:	52°50′55″ пн. ш. 23°32′6″ у. д.
Козьлікі на мапе Польшчы Козьлікі
Галерэя здымкаў у Вікісховішчы

Насельніцтва

Жыхары вёскі этнічныя беларусы, якія карыстаюцца падляскім дыялектам, праваслаўныя (прыход Кленікі).

Капліца сьв. Міколы (1792 г.)

Гісторыя

Навакольле Козьлікаў было заселянае ўжо ў нэаліце — першыя археалягічныя раскопкі паблізу вёскі праводзіліся ўжо ў 19 стагодзьдзі. Чарговыя раскопкі праводзіліся расейскім навукоўцам С. А. Дубінскім у 1911 г. — у 2 курганох былі знойдзеныя косьці 7 людзей ды раньнесярэднявечная пасуда. Вёска была заснаваная толькі ў 1576 г. для каралеўскіх мужыкоў бельскага стараства. У 1864 годзе ў Козьлікі была перанесеная з суседніх Кленікоў (па іншых зьвестках з Вежанкі) драўляная царква сьв. Міколы (пабудаваная ў 1792 г.) і пастаўленая на ўзгорку над ракой Нараў^[2]. У васьмідзясятых гадах 20 ст. украінская грамада Падляшша пачала будаваць побач зь вёскай свой культурны цэнтар ды музэй драўлянага дойлідзтва пад адкрытым небам^[3].

Ураджэнцы

• Ніна Баршчэўская (нар. 1956), беларуская мовазнаўца, грамадзкая й культурная дзяячка, кіраўніца Беларускай рэдакцыі Польскага Радыё.