Колас (Жлобінскі раён)

Ко́лас^[1] — пасёлак у Беларусі. Уваходзіць у склад Пірэвіцкага сельсавету Жлобінскага раёну Гомельскай вобласьці. Насельніцтва 4 чал. (2004). Знаходзіцца за 25 км на паўднёвы ўсход ад места Жлобін, за 2 км ад чыгуначнай станцыі Салтанаўка (лінія Жлобін — Гомель), за 62 км ад Гомелю.

Колас
Першыя згадкі:	1920-я
Вобласьць:	Гомельская
Раён:	Жлобінскі
Сельсавет:	Пірэвіцкі
Насельніцтва:	4 чал. (2004)
Часавы пас:	UTC+3
Геаграфічныя каардынаты:	52°48′16″ пн. ш. 30°21′57″ у. д.
Колас на мапе Беларусі Колас

Транспартныя сувязі па прасёлкавай, а затым аўтамабільнай дарозе Бабруйск — Гомель. Забудова драўляная, сядзібнага тыпу, уздоўж чыгункі.

Гісторыя

Заснаваны напачатку 1920-х перасяленцамі з суседніх вёсак на былых абшарніцкіх землях. У 1931 годзе жыхары ўступілі ў калгас. У часе Вялікай Айчыннай вайны акупанты спалілі 17 двароў. У складзе саўгаса «Пірэвіцкі» (цэнтар — вёска Пірэвічы).

Насельніцтва

• XX стагодзьдзе: 1940 — 34 двары, 115 жыхароў;
• XXI стагодзьдзе: 2004 — 4 гаспадаркі, 4 жыхары^[2]