Крыстыян Поўльсэн

Крыстыян Б’ёрнсгёй Поўльсэн (па-дацку: Christian Bjørnshøj Poulsen‎; нар. 28 лютага 1980 году, Аснэс, Данія) — дацкі футбаліст, паўабаронца нацыянальнай зборнай Даніі, за якую афіцыйна скончыў свае выступы.

Крыстыян Поўльсэн
Пэрсанальная інфармацыя
Нарадзіўся	28 лютага 1980(1980-02-28)[1][2][3][…] (45 гадоў) Аснес[d], Dragsholm Municipality[d], Заходняя Зеландыя[d], Данія
Рост	182 см
Вага	76 кг
Пазыцыя	паўабаронца
Клюбы
Гады	Клюб	Гульні (галы)¹
2000—2002	Капэнгаген	45 (10)
2002—2006	Шальке-04	111 (3)
2006—2008	Сэвільля	62 (4)
2008—2010	Ювэнтус	48 (1)
2010—2011	Лівэрпул	12 (0)
2011—2012	Эвіян Тано Гаяр	24 (0)
2012—2014	Аякс	54 (1)
2014—2015	Капэнгаген	16 (1)
Зборныя
1998—1999	Данія (да 19)[d]	4 (0)
2001	Данія (да 21)[d]	8 (0)
2001—2012	Данія	92 (6)

Кар’ера

Раньнія гады

Сваю футбольную кар’еру распачаў у сваім родным горадзе Аснэс, зь якога транзытам праз футбольны клюб «Гольбэк» трапіў у склад «Капэнгагену», зь якім адразу падпісаў свой першы прафэсійны кантракт. Амаль адразу Крыстыян узяў на сабе лідэрскую ролю ў клюбе, пасьля таго як сваю кар’еру ў клюбе скончыў нарвэскі паўабаронца Столе Сольбакен.

«Шальке 04»

Пасьля кубка сьвету 2002 году Поўльсэн перашоў у склад нямецкага клюбу «Шальке 04». Сума трансэфру склала 7 млн эўра, што было рэкордам продажу для дацкага клюбу^[4]. Крыстыян бязь цяжкасьцяў прыжыўся ў клюбе, што ня ў малай ступені было зьвязаны з тым, што ягоны напарнік па зборнай Эбэ Сан таксама гуляў за нямецкі клюб.

«Сэвільля»

У 2006 годзе Крыстыян пераехаў у Гішпанію, каб гуляць за клюб з поўдня гэтай краіны «Сэвільлю». Дэбютаваў за клюб у матчы за Супэркубак Эўропы, дзе сэвільскія футбалісты былі мацней за гульцоў «Барсэлёны».

«Ювэнтус»

Капітан зборнай Даніі ўлетку 2008 году быў набыты «Ювэнтусам» за 9,75 млн эўра. У адсутнасьць траўмаванага Крыстыяна Дзанэцьці, Поўльсэн стаў асноўным цэнтральным паўабаронцам клюбу.

«Лівэрпул»

12 жніўня 2010 году было абвешчана аб пераходзе Крыстыяна ў «Лівэрпул». Сума трансфэру склала 4,5 мільёну эўра^[5].

«Эвіян»

31 жніўня 2011 году пачатковец францускай Лігі 1 клюб «Эвіян» абвесьціў, што заключыў з дацкім паўабаронцам кантракт^[6].

«Аякс»

22 жніўня 2012 году амстэрдамскі «Аякс» абвесьціў аб дамоўленасьці па пераходзе Поўльсэна ў склад чырвона-белых^[7]. На наступны дзень Крыстыян падпісаў з клюбам двухгадовы кантракт, які разьлічаны на два сэзоны.

Міжнародная кар’ера

За зборную Даніі правёў 92 матчы, забіў 6 мячоў. У жніўні 2012 году Крыстыян абвесьціў аб рашэньні спыніць выступы за зборную^[8].

Дасягненьні

Клюбныя

«Капэнгаген»

• Чэмпіён Даніі: 2001

«Шальке 04»

• Уладальнік Кубка нямецкай Лігі: 2005

«Сэвільля»

• Уладальнік Супэркубка УЭФА: 2006
• Уладальнік Кубка УЭФА: 2007
• Уладальнік Кубка Гішпаніі: 2007
• Уладальнік Супэркубак Гішпаніі: 2007

«Аякс»

• Чэмпіён Нідэрляндаў (2): 2013, 2014
• Уладальнік Супэркубак Нідэрляндаў: 2013

Асабістыя

Футбаліст году ў Даніі (2): 2005, 2006