Лайза Мінэльлі

Лайза Мінэльлі (па-ангельску: Liza Minnelli; нарадзілася 12 сакавіка 1946 году, Лос-Анджэлес, ЗША) — амэрыканская акторка й сьпявачка, уладальніца прэміі «Оскар». Дачка акторкі Джудзі Гарлэнд і ейнага другога мужа, рэжысэра Вінцэнта Мінэльлі.

Лайза Мінэльлі
па-ангельску: Liza Minnelli
Лайза Мінэльлі ў лютым 2008 году
Дата нараджэньня	12 сакавіка 1946 (79 гадоў)
Месца нараджэньня	Лос-Анджэлес, ЗША
Месца вучобы	Чэдвіцкая школа[d] Вышэйшая школа сцэнічнага майстэрства[d] Вышэйшая школа Фіярэлы Г. ЛяГвардыі[d] Scarsdale High School[d] HB Studio[d]
Занятак	акторка, сьпявачка
Гады дзейнасьці	1949 — цяпер
Жанры	поп[1], традыцыйная поп-музыка[d] і джаз
Бацька	Вінсэнт Мінэлі[d]
Маці	Джудзі Гарлэнд
Узнагароды	прайм-таймавая прэмія «Эмі»[d] прэмія Легенды Грэмі[d] (1990) тэатральная сусьветная прэмія[d] (1963) прэмія «Тоні» за найлепшую жаночую ролю ў м’юзыкле[d] (1965) прэмія «Тоні» за найлепшую жаночую ролю ў м’юзыкле[d] (1978) прэмія „Залатая маліна“ за найгоршую жаночую ролю[d] (1989) прэмія BAFTA за найлепшую галоўную жаночую ролю[d] зорка на галівудзкай «Алеі славы»[d] Drama League Award[d] Hasty Pudding Woman of the Year[d] (1973) прэмія «Авангард»[d] (2005) прэмія «Давід дзі Данатэльлё» найлепшай замежнай акторцы[d]
IMDb	ID nm0591485
Сайт	Афіцыйны сайт
Лайза Мінэльлі ў Вікісховішчы

Кар’ера ў кіно

Першай значнай роляй у кіно стала ейная Эліза ў фільме «Чарлі Баблз» з Альбэртам Фіні. Праз два гады у фільме Элана Дж. Пакулы «Бясплодная зязюля» яна згуляла эксцэнтрычную дзяўчыну-падлетка, за ролю якой яна была вылучана на «Оскар».

У 1972 годзе Мінэльлі згуляла сваю самую знакамітую ролю — сьпявачкі Салі Боўлз у кінавэрсіі м’юзыклю «Кабарэ» (у зорным партнэрстве з Майклам Ёркам, Джоэлам Грэем і Морысам Бэрэнсонам). Гэты фільм прынёс Лайзе статуэтку «Оскара» ў намінацыі «Найлепшая акторка» і «Залаты Глёбус». Але ўсё ж пасьля такога трыюмфу рушыла ўсьлед некалькі малапасьпяховых фільмаў і тэлевізійных шоў. У 1976 годзе Лайза зьнялася ў карціне свайго бацькі, Вінцэнта Мінэльлі, «Справа часу», дзе ейнай калегай стала Інгрыд Бэргман. Пасьля таго, як фільм адздымалі, ён быў значна адрэдагаваны й зрэзаны, у сувязі з чым ён ня меў камэрцыйнага посьпеху й ня быў па вартасьці ацэнены крытыкамі. Праз год выйшаў яшчэ адзін фільм з удзелам Лайзы, «Нью-Ёрк, Нью-Ёрк», дзякуючы якому ейны музычны рэпэртуар папоўніўся новымі песьнямі, уключаючы «New York, New York», якая стала адной з найбольш вядомых ейных кампазыцыяў.

У 1980-я гады Мінэльлі пачала радзей зьяўляцца ў кіно. Найбольш запамінальнай у той час стала ейная роля Лінды Маролы ў фільмах «Артур» (1981) і «Артур 2: На мялізьне» (1988). У 1997 годзе Лайза вярнулася на Брадўэй у галоўнай ролі ў м’юзыклі «Віктар/Вікторыя». У 2010 годзе акторка згуляла саму сябе ў фільме «Сэкс у вялікім горадзе 2», за што ў выніку атрымала намінацыю на «Залатую маліну», як найгоршая акторка другога пляну.