Лакнея

Лакне́я — рака ў Капыльскім і Слуцкім раёнах Менскай вобласьці, правы прыток ракі Случы (басэйн Дняпра). Даўжыня 36 км. Плошча вадазбору 274 км². Выдатак вады ў вусьці 1,2 м³/с. Сярэдні нахіл воднай паверхні 0,5‰.

Рака

Лакнея
Агульныя зьвесткі
Выток	каля в. Сунаі
Вусьце	Случ
Краіны басэйну	Беларусь
Вобласьці	Менская вобласьць
Даўжыня	36 км
Сярэднегадавы сьцёк	1,2 м³/с
Плошча басэйну	274 км²
Нахіл воднай паверхні	0,5 ‰

Асноўны прыток — рака Вужанка (праваруч).

Пачынаецца каля паўднёвай ускраіны вёскі Сунаі Капыльскага раёну, вусьце за 3 км на поўдзень ад места Слуцак. Цячэ ў межах Слуцкай раўніны. Даліна добра выражаная, слабазьвілістая, пераважна трапэцападобная, шырынёй 1—1,5 км. Рэчышча каналізаванае, яго шырыня 4—7 м^[1].