Ларыса Кароткая

Ларыса Лявонцьеўна Кароткая (17 сакавіка 1919, в. Астрашыцкі Гарадок, Менскі раён — 2012, Менск^[3]) — беларускі літаратуразнавец, пэдагог, кандыдат філялягічных навук, дацэнт. Маці Варлена Бечыка.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кароткая.

Ларыса Кароткая
Дата нараджэньня	17 сакавіка 1919(1919-03-17)[1]
Месца нараджэньня	Астрашыцкі Гарадок, Менскі павет, Менская губэрня, БССР, Сацыялістычная Савецкая Рэспубліка Літвы і Беларусі
Дата сьмерці	2012[1]
Месца сьмерці	Менск, Беларусь
Месца вучобы	філялягічны факультэт БДУ (1957) МДПІ (1938)
Занятак	навукоўца, пэдагог, дацэнтка, філёляг, літаратуразнаўца, прафэсарка ўнівэрсытэту
Навуковая сфэра	літаратуразнаўства, філялёгія[2], беларуская літаратура[2] і расейская літаратура[d][2]
Месца працы	Талькаўская базавая школа[d] філялягічны факультэт БДУ
Навуковая ступень	кандыдат філялягічных навук[d] (1963)
Дзеці	Варлен Бечык
Узнагароды

Жыцьцяпіс

Бацька — Лявонцій Кандратавіч працаваў фэльчарам, а маці — мэдсястрой. Пасьля заканчэньня Менскага пэдінстытуту ў 1938 годзе і да Другой сусьветнай вайны выкладала расейскую і беларускую мовы ў Астрашыцкім Гарадку. У час вайны ўдзельніца антыфашысцкага падпольля ў акупаваным Астрашыцкім Гарадку, партызанка брыгады «Штурмавая». Пасьля вайны працавала выкладчыцай і завучам у сярэдніх клясах школах Астрашыцкага Гарадку (1938—1941 і з 1944), Талькаўскай і Прылуцкай школах Менскай вобласьці.

У 1955—1957 гадах асьпірантка філялягічнага факультэта БДУ. У 1963 гадах абараніла кандыдацкую дысэртацыю «Антыцаркоўная традыцыя ў старажытнарускай літаратуры». Пасьля заканчэньня працавала выкладчыкам у БДУ (1936 — рабочы факультэт, выкладчык, 1960—1995 — філяляагічны факультэт, дацэнт катэры тэорыі і гісторыі літаратуры, катэдры гісторыі беларускай літаратуры).

Навуковая дзейнасьць

Аўтар 9 манаграфій і больш як 100 навуковых артыкулаў. Сфэрай яе навуковых інтарэсаў была старажытная беларуская і расейская літаратура. Першыя артыкулы прысьвечаны праблемам школы «Любіце працу» (1946 г.), «За родную школу» (1947 г.), «Абмен вопытам работы» (1948 г.).

Выступала з артыкуламі пра сучасную беларускую літаратуру.

Узнагароды

Узнагароджана ордэнам Айчыннай вайны І ступені, мэдалямі «За адвагу», «За перамогу над Нямеччынай», «Партызану Вялікай Айчыннай вайны І ступені». Заслужаны работнік БДУ (2011)^[4].