Левая Лясная

Ле́вая Лясна́я — рака ў Беларусі, у басэйне Віслы. Цячэ ў Пружанскім і Камянецкім раёнах Берасьцейскай вобласьці. Даўжыня 50 км. Плошча вадазбору 750 км². Выдатак вады ў вусьці 3,6 м³/с. Сярэдні нахіл воднай паверхні 0,5‰.

Рака

Левая Лясная лац. Levaja Lasnaja
Агульныя зьвесткі
Выток	каля в. Мыльніску
Вусьце	Лясная
Краіны басэйну	Беларусь
Вобласьці	Берасьцейская вобласьць
Даўжыня	50 км
Сярэднегадавы сьцёк	3,6 м³/с
Плошча басэйну	750 км²
Нахіл воднай паверхні	0,5 ‰

На рацэ стаіць мястэчка Шарашоў.

Асноўны прыток — рака Вішня (правы).

Агульныя зьвесткі

Пачынаецца на паўднёвым захадзе ад вёскі Мыльніску (Пружанскі раён), вусьце за 0,5 км на ўсход ад вёскі Вуглянаў. У сутоках з ракой Правай Лясной, утварае раку Лясную. Цячэ Прыбужанскай раўнінай.

Даліна ракі шырынёй 1,6—2,5 км, у сярэдняй плыні месцамі невыразная; схілы спадзістыя, вышынёй 7—9 м, парэзаныя ручаямі, лагчынамі і канавамі. Абалона нізкая, забалочаная (шырыня 0,3—0,5 км), перасечаная старыцамі і асушальнымі каналамі. У разводзьдзе затапляецца вадой на глыбіню да 0,6 м на 15—30 дзён. Рэчышча каналізаванае, шырыня яго 6—8 м, у ніжняй плыні месцамі да 20 м. Берагі нізкія, вышынёй 0,3—0,5 м, парасьлі хмызьняком^[1].