Летыцыя Каста

Летыцыя Каста (па-француску: Laetitia Marie Laure Casta; (11 траўня 1978, Пан-Адмэр) — француская фотамадэль і акторка. Здымалася для такіх дызайнераў, як Іў Сэн Ляран, Жан-Поль Гацье, Chanel, Ralph Lauren, Tommy Hilfiger, J. Crew, Louis Vuitton, Givenchy, Roberto Cavalli, Lolita Lempicka ды Vivienne Westwood.

Летыцыя Каста
Летыцыя Каста, фота студыі Harcourt Парыж, 2005 год
Дата нараджэньня	11 траўня 1978 (47 гадоў)
Месца нараджэньня	Францыя
Рост	172 см
Вага	57 кг
Грудзі	89 см
Стан	59,5 см
Сьцёгны	90 см
Колер валасоў	сьветла-каштанавыя
Вочы	блакітныя
Афіцыйны сайт

Біяграфія

Летыцыя Каста нарадзілася ў францускім горадзе Пан-Адмэр у 30 км да захаду ад Руана. Яе маці была мясцовай нараджэнкай, а бацька родам з Корсыкі. У сям’і акрамя яе было яшчэ двое дзяцей: старэйшы брат Жан-Батыст і малодшая сястра Мары-Анж. У 15 гадоў яна атрымала запрашэньне ад мадэльнага агенцтва «Madison Models» і неўзабаве стала фотамадэльлю ў часопісе «Elle». У 1993 годзе яна прыняла ўдзел у пасьпяховай рэклямнай кампаніі джынсаў «Guess». У 18 гадоў яна становіцца вядучай мадэльлю агенцтва «Victoria`s Secret». Яна зьнялася рэклямных роліках, яе фатаграфіі зьяўляліся на вокладках больш як 100 вокладак модных часопісаў, у тым ліку, Cosmopolitan, Vogue, Rolling Stone ды Glamour. У 1999 годзе яна ўпершыню зьнялася ў фільме «Астэрыкс і Абэлікс супраць Цэзара».

У 2000 годзе сходам мэраў гарадоў Францыі яна была абраная прататыпам нацыянальнага сымбаля Францыі — Мар’яны.

19 кастрычніка 2001 году яна нарадзіла дачку Анжаліку, а 24 верасьня 2006 году сына Арланда.

Узнагароды

• Залаты лебедзь (на фэстывалі Festival du film de Cabourg 2008 году за ролю ў фільме «Born in 68»)

Фільмаграфія

• 1999 — Астэрыкс і Абэлікс супраць Цэзара (анг. Asterix & Obelix Take On Caesar)
• 2000 — Блакітны ровар (франц. La Bicyclette Bleue)
• 2000 — Цыган (Gitano)
• 2002 — Вуліца асалод (франц. Rue des plaisirs)
• 2003 — Памылка (франц. Errance)
• 2008 — анг. Born in 68
• 2010 — анг. Gainsbourg: A Heroic Life (намінацыя на прэмію Сэзар)
• 2012 — анг. Arbitrage

Летыцыя Каста — сховішча мультымэдыйных матэрыялаў