Лоўсан Краўс

Ло́ўсан Краўс (па-ангельску: Lawson Crouse; нар. 23 чэрвеня 1997 году) — канадзкі хакеіст, нападнік клюбу «Юта» з Нацыянальнай хакейнай лігі і нацыянальнай зборнай Канады. У дзяністве гуляў у бэйсбол і лякрос^[3], але пастанавіў зьвязаць сваё жыцьцё з хакеем. Мае мянушку «Шэрыф» дзякуючы сваёй жорстка фізычнай гульні.

Лоўсан Краўс
Вага	98 кг
Пазыцыя	скрайні нападнік
Кідок/Ловы	левы[d]
Грамадзянства	Канада
Дата нараджэньня	23 чэрвеня 1997(1997-06-23)[1] (28 гадоў)
Месца нараджэньня	Маўнт-Брыджэс[d], Стратрой-Карадок[d], Мідлсэкс[d], Антарыё, Канада[2][1]
Клюб	Юта
Выступаў за	Портлэнд Пайрэтс Тусан Роўдранэрз Арызона Каётыз
Драфт НХЛ	11, 2015 Флорыда Пантэрз
Гульнявая кар’ера	2016 — цяпер

Кар’ера

Быў абраны клюбам «Флорыда Пантэрз» у першым раўндзе драфту НХЛ 2015 году пад 11 нумарам, але пазьней клюб перадаў правы на гульца «Арызоне Каётыз»^[4]. Дзякуючы бліскучым выступам за часам падрыхтоўчага лягеру, зладжанаму перад сэзонам, гулец увайшоў у склад арызонскага клюбу. Дэбютаваў гулец у НХЛ 15 кастрычніка 2016 году ў пераможным матчы супраць «Філадэлфіі Флаерз». 1 лістапада закінуў першую шайбу ў браму «Сан-Хасэ Шаркс»^[5]. У сэзоне 2017—2018 гадоў праз дрэнны пачатак сэзону быў пераведзены ў фарм-клюб «Тусан Роўдранэрз», дзе правёў рэшту сэзону. З наступнага розыгрышу павярнуўся да асноўнага клюбу, дзе замацаваўся ў дрыжыне.

У сэзоне 2021—2022 гадоў Краўс забіў 20 галоў і назьбіраў 34 пункты ў 65 гульнях за «Каётыз». 8 жніўня 2022 году ён перападпісаў з арызонскай камандай пяцігадовы кантракт на 21,5 мільёна даляраў^[6]. У сэзоне 2022—2023 гадоў Краўс быў абраны віцэ-капітанам каманды^[7]. Пасьля таго, як франшыза пераехала ў «Юту», хакеіст застаўся ў новай камандзе.