Лужасянка

Лужася́нка, Лужасьнянка — рака ў Гарадоцкім і Віцебскім раёнах Беларусі, правы прыток ракі Дзьвіны. Даўжыня 32 км. Плошча вадазбору 700 км². Выдатак вады ў вусьці 4,6 м³/с. Сярэдні нахіл воднай паверхні 0,9‰.

Рака

Лужасянка
Агульныя зьвесткі
Выток	воз. Вымна
Вусьце	Дзьвіна
Краіны басэйну	Беларусь
Вобласьці	Гарадоцкі раён і Віцебскі раён
Даўжыня	32 км
Сярэднегадавы сьцёк	4,6 м³/с
Плошча басэйну	700 км²
Нахіл воднай паверхні	0,9 ‰

Асноўныя прытокі

• Правыя: Громаць, Кабішчанка, Храпаўлянка
• Левыя: Волкунь

Агульныя зьвесткі

Выцякае з возера Вымна на поўнач ад вёскі Хабаты Гарадоцкага раёну, цячэ ў межах Гарадоцкага ўзвышша, вусьце каля чыгуначнай станцыі і вёскі Лужасна за 2 км ад паўночна-заходняй ускраіны Віцебску.

Даліна скрынкападобная, на вялікім працягу вузкая, шырынёй 200—400 м. Абалона двухбаковая і перарывістая, часам адсутнічае; шырыня 80—100 м. Рэчышча зьвілістае, шырынёй 12—20 м, у вярхоўі 5 м^[1].