Лукаш Пішчак

Лу́каш Пі́шчак (па-польску: Łukasz Piszczek; нар. 3 чэрвеня 1985 году, Чахавіцы-Дзедзіцы, Польшча) — польскі футбаліст, які выступае за клюб «Гачалкавіцы-Здруй». Былы гулец нацыянальнай зборнай Польшчы. Гуляў на пазыцыі крайняга абаронцы ці паўабаронцы.

Лукаш Пішчак
Пэрсанальная інфармацыя
Нарадзіўся	3 чэрвеня 1985(1985-06-03)[1][2] (40 гадоў) Чахавіцы-Дзедзіцы[d], Чэхавіцы-Дзедзіцы[d], Бельскі павет[d], Сылескае ваяводзтва[3]
Рост	184 см
Вага	75 кг
Пазыцыя	задні абаронца, абаронца
Клюбная інфармацыя
Клюб	Гачалкавіцы-Здруй[d]
Нумар	26
Клюбы
Гады	Клюб	Гульні (галы)¹
2004—2010	Гэрта	68 (3)
2004—2007	→ Заглембе Любін	69 (14)
2009	Гэрта II[d]	68 (5)
2010—2021	Барусія Дортмунд	264 (16)
2021—2024	Гачалкавіцы-Здруй[d]	51 (3)
2025—4	Гачалкавіцы-Здруй[d]	14 (0)
Зборныя
2005	Польшча (да 20)[d]	1 (0)
2007—2019	Польшча	66 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 3 жніўня 2025.

Кар’ера

Клюбная кар’ера

У 2001 годзе Лукаш далучыўся да клюбу «Гварак», зь якім ён стаў пераможцам у 2003 годзе польскага моладзевага чэмпіянату. У 2004 годзе ён быў падпісаны «Гэртай» і адразу ж аддадзены ў арэнду ў «Заглембе». З «Заглембе» ён выйграў чэмпіянат лігі сэзону 2006—2007 гадоў.

Восеньню 2007 году «Гэрта» вярнула гульца. Ён забіў свой ​​першы гол у Бундэсьлізе 26 красавіка 2008 году ў матчы супраць «Гановэру».

Пішчак прапусьціў вялікую частку першай паловы сэзону 2008—2009 гадоў з-за траўмы сьцягна, якая ў канчатковым выніку запатрабавала хірургічнага ўмяшаньня. Вярнуўся ў шэрагі клюбу ў лютым 2009 году, але зноў атрымаў невялікую траўму, на гэты раз калена. Нарэшце, да красавіка ўсе ягоныя траўмы скончыліся й ён зноў вярнуўся на поле.

19 траўня 2010 году ў якасьці вольнага агента падпісаў трохгадовае пагадненьне з дортмундзкай «Барусіяй»^[4].

Міжнародная кар’ера

Першы раз на поле ў футболцы зборнай Лукаш выйшаў у таварыскім матчы супраць каманды Эстоніі 3 лютага 2007 году.

6 чэрвеня 2008 году ён быў уключаны ў польскую заяўку на Эўра-2008 з-за траўмы Якуба Блашчыкоўскага. Згуляў адзін матч супраць зборнай Нямеччыны, але неўзабаве атрымаў траўму на трэніроўцы й далейшага ўдзелу на Эўра не прыняў^[5].

Дасягненьні

«Заглембе»:

• Чэмпіён Польшчы: 2007

«Барусія»:

• Чэмпіён Нямеччыны: 2011, 2012
• Уладальнік Кубка Нямеччыны: 2012, 2017, 2021
• Уладальнік Супэркубка Нямеччыны: 2014, 2019

Асабістае жыцьцё

Ягоны бацька, трэнэр мясцовага футбольнага клюбу, вырашыў прыцягнуць яго да аднаго з вучэбных заняткаў ва ўзросьце 7 гадоў. Ягоны брат Томаш, таксама гуляе ў футбол. Лукаш жанаты з чэрвеня 2009 году^[6].