Лукаш Сэдлак

Лука́ш Сэдла́к (па-чэску: Lukáš Sedlák; нар. 25 лютага 1993 году) — чэскі хакеіст, цэнтральны нападнік клюбу «Дынама» і нацыянальнай зборнай Чэхіі.

Лукаш Сэдлак
Рост	184 см[1]
Вага	94 кг
Пазыцыя	цэнтральны нападнік, нападнік
Кідок/Ловы	левы[d]
Грамадзянства	Чэхія[2]
Дата нараджэньня	25 лютага 1993(1993-02-25)[3] (32 гады)
Месца нараджэньня	Чэске-Будзеёвіцы, Чэхія[3]
Клюб	Дынама Пардубіцы
Выступаў за	Спрынгфілд Фэлканз Лэйк Эйры Монстэрз Каламбус Блю Джэкетс Трактар Каларада Эвэланш Філадэлфія Флаерз
Драфт НХЛ	158, 2011 Каламбус Блю Джэкетс
Гульнявая кар’ера	2013 — цяпер

Кар’ера

Яшчэ ў юнацтве быў абраны на драфце НХЛ 2011 году ў 6 раўндзе пад агульным нумарам 158 клюбам «Каламбус Блю Джэкетс». Склаўшы кантракт з клюбам, выступаў пераважна ў фарм-клюбе. Не зважаючы на абарончыя здольнасьці прыносіў замала плёну ў нападзе. У сэзоне 2016—2017 гадоў, нарэшце, быў выкліканы ў асноўны клюб. Дэбютаваў 21 кастрычніка 2016 году ў матчы супраць «Чыкага Блэкгокс»^[4]. Фактычна гулец замацаваўся ў складзе, але напрацягу трох сэзонаў кожным годам праводзіў усё менш матчаў. У 2019 годзе як вольны агент далучыўся да расейскага «Трактару» з КХЛ. Пасьля некалькі сэзонаў павярнуўся ў НХЛ, гуляючы за «Каларада Эвэланш» і «Філадэлфія Флаерз». У сьнежні 2022 году вярнуўся на радзіму, умацаваўшы шэрагі пардубіцкага «Дынама»^[5].