Лукомскі замак

Лукомскі замак — помнік гісторыі і абарончай архітэктуры ў Лукомлі. Знаходзіўся каля правага берага ракі Лукомкі. Існаваў у XIV—XVI стагодзьдзях.

Помнік абарончай архітэктуры
Лукомскі замак
Краіна	Беларусь
Вёска	Лукомаль
Дата заснаваньня	XIV стагодзьдзе

Гісторыя

Паводле Сьпісу рускіх гарадоў далёкіх і блізкіх, у XІV ст. Лукомаль лічыўся местам з магутным і добра ўмацаваным замкам^[1].

У 1386 годзе злучаныя войскі прускіх і інфлянцкіх рыцараў аблажылі замак. Залога мужна і доўга абаранялася, загінула шмат крыжакоў, аднак у ходзе працяглай аблогі і штурму яны захапілі замак.

У час Інфлянцкай вайны 1588—1583 гадоў у 1563 годзе Лукомаль і замак захапіла і зьнішчыла маскоўскае войска Івана ІV Тырана. Замак больш не аднаўляўся. Рэшткі вялікіх валоў аглядваў у 1573 годзе гісторык Мацей Стрыйкоўскі, які адзначыў, што на гэтым месцы быў некалі вялікі замак. З XVІІ ст. дакумэнты ўпамінаюць толькі вёску Лукомаль^[2].