Лучайка (прыток Мядзелкі)

Луча́йка — рака ў Пастаўскім раёне Віцебскай вобласьці, правы прыток ракі Мядзелкі (басэйн Дзьвіны). Даўжыня 46 км. Плошча вадазбору 258 км². Выдатак вады ў вусьці 2 м³/с. Сярэдні нахіл воднай паверхні 0,9‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лучайка.

Рака

Лучайка
Агульныя зьвесткі
Выток	воз. Лучай
Вусьце	Мядзелка
Краіны басэйну	Беларусь
Вобласьці	Віцебская вобласьць
Даўжыня	46 км
Сярэднегадавы сьцёк	2 м³/с
Плошча басэйну	258 км²
Нахіл воднай паверхні	0,9 ‰

Прытокі — невялікія ручаі і мэліярацыйныя каналы.

Агульныя зьвесткі

Выцякае з возера Лучай за 1,5 км на паўночны захад ад вёскі Гаўрылавічы, цячэ паўднёва-заходняй часткай Полацкай нізіны, вусьце каля вёскі Маскалішкі.

Даліна пераважна трапэцападобная. Абалона двухбаковая, у высокай і сярэдняй плыні большай часткай забалочаная; шырыня яе 500—600 м, у нізкай плыні звужваецца да 100—200 м. Рэчышча зьвілістае, паміж вёскамі Баранавічы — Лапосі на працягу 16 км каналізаванае^[1].