Люкас Раймонд

Лю́кас Раймо́нд (па-швэдзку: Lucas Raymond; нар. 28 сакавіка 2002 году) — швэдзкі хакеіст, нападнік клюбу «Дэтройт Рэд Ўінгс» і нацыянальнай зборнай Швэцыі. Бацька гульца паходзіць з Францыі^[2].

Люкас Раймонд
Рост	182 см[1]
Вага	75 кг
Пазыцыя	нападнік
Кідок/Ловы	правы[d]
Грамадзянства	Швэцыя[1]
Дата нараджэньня	28 сакавіка 2002(2002-03-28)[1] (23 гады)
Месца нараджэньня	Гётэборг
Клюб	Дэтройт Рэд Ўінгс
Выступаў за	Фрэлюнда
Драфт НХЛ	4, 2020 Дэтройт Рэд Ўінгс
Гульнявая кар’ера	2018 — цяпер

Кар’ера

4 кастрычніка 2018 году Раймонд дэбютаваў у Швэдзкай хакейнай лізе за гётэборскую «Фрэлюнду». Прыкметна, што Раймонд стаў першым гульцом, які нарадзіўся ў 2002 годзе, які згуляў у лізе^[3]. Пазьней у тым жа сэзоне 28 сьнежня 2018 году хакеіст закінуў сваю першую шайбу ў браму суперніка «Шэлефтэо АІК», маючы ўсяго 16 гадоў^[4]. 17 красавіка 2021 году гулец склаў трохгадовы кантракт з клюбам НХЛ «Дэтройт Рэд Ўінгс»^[5].

У сваім першым паўночнаамэрыканскім сэзоне Раймонд запачаткаваў кар’еру ў НХЛ у матчы адкрыцьця. 19 кастрычніка 2021 году Раймонд забіў свой першы гол у браму «Каламбус Блю Джэкетс», што дапамагло дэтройцам здабыць перамогу зь лікам 4:1^[6]. 24 кастрычніка Раймонд здабыў першы хет-трык у матчы супраць «Чыкага Блэкгокс» (6:3)^[7]. Раймонд быў абраны найлепшым пачаткоўцам НХЛ за лістапад 2021 году пасьля таго, як зарабіў на свой рахунак 12 пунктаў у 14 гульнях^[8].