Лютсарэль Геэртройда

Лютсарэль Геэртройда (па-нідэрляндзку: Lutsharel Geertruida; нар. 18 ліпеня 2000 году) — нідэрляндзкі футбаліст, абаронца нямецкага клюбу «РБ Ляйпцыг» і нацыянальнай зборнай Нідэрляндаў. Можа згуляць на пазыцыі правага і цэнтральнага абаронцы, а таксама паўабаронцы абарончага пляну.

Лютсарэль Геэртройда
Пэрсанальная інфармацыя
Нарадзіўся	18 ліпеня 2000(2000-07-18)[1] (25 гадоў) Ратэрдам, Нідэрлянды
Рост	1,84 м
Пазыцыя	абаронца
Клюбная інфармацыя
Клюб	РБ Ляйпцыг
Нумар	3
Клюбы
Гады	Клюб	Гульні (галы)¹
2018—2024	Фэеноорд	144 (19)
2024—4	РБ Ляйпцыг	24 (1)
Зборныя
2018—2019	Нідэрлянды (да 19)[d]	10 (1)
2021—2022	Нідэрлянды (да 21)[d]	7 (1)
2023—4	Нідэрлянды	17 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Пры тым, што гулец ёсьць ураджэнцам Ратэрдаму, свае першыя крокі ў дзіцячым футболе ён пачынаў з акадэміі Овэрмаас ды клюбу «Спарты». Пасьля гэтага ў 2012 годзе прыяднаўся да акадэміі «Фэеноорду». У першай камандзе запачаткаваў прафэсійную кар’еру 25 кастрычніка 2017 году, калі зьявіўся на полі ў другім раўндзе Кубка Нідэрляндаў супраць каманды «Сьвіфт»^[2].

Цягам сэзону 2018—2019 гадоў Геэртройда нязьменна быў часткай першай каманды, але меў вельмі абмежаваны гульнявы час. То бок гулец зьявіўся на гульнявой пляцоўцы толькі двойчы за ўвесь сэзон Эрэдывізіі^[3]. Дэбютаваў у мясцовай лізе прыпаў на 23 сьнежня 2018 году, калі абаронца замяніў у матчы супраць «АДО Дэн Гааг» легенду клюбу Робіна ван Пэрсі на 79-й хвіліне. У тым жа годзе футбаліст згуляў за клюб у эўрапейскіх кубках. У наступным сэзоне абаронца пачаў больш зьяўляцца на замены, а з сэзону 2020—2021 гадоў займеў нашмат больш гульнявога часу. Свой першы гол у клюбнай кашулі забіў 27 верасьня 2020 году, пакрыўдзіўшы брамніка ўсё таго ж «АДО Дэн Гаагу». У жніўні 2021 году Геэртройда падоўжыў кантракт з клюбам да 2024 году^[4].

30 жніўня 2024 году Геэртройда далучыўся да нямецкага клюбу «РБ Ляйпцыг», склаўшы дамову з клюбам пяцігадовы кантракт^[5].

Міжнародная

Улічваючы паходжаньне гульца, ён меў магчымасьць абараняць гонар Кюрасао. Тым ня менш, Геэртройда прайшоў праз усе зборныя Нідэрляндаў розных узростаў. 17 сакавіка 2023 году ён атрымаў свой першы выклік у нацыянальную зборную Нідэрляндаў на адборачныя матчы чэмпіянату Эўропы 2024 году супраць зборных Францыі і Гібральтару^[6]. Дэбют гульца адбыўся праз тыдзень, калі ён выйшаў у першай адзінаццатцы ў выязным матчы супраць зборнай Францыі, які скончыўся цяжкай паразай зь лікам 4:0^[7].

Дасягненьні

«Фэеноорд»:

• Чэмпіён Нідэрляндаў: 2023
• Уладальнік Кубка Нідэрляндаў: 2018, 2024
• Уладальнік Супэркубка Нідэрляндаў: 2018, 2024