Лядзкі сельсавет (Шчучынскі раён)

Ля́дзкі сельсавет — адміністрацыйна-тэрытарыяльная адзінка ў складзе Шчучынскага раёну Гарадзенскай вобласьці. Адміністрацыйны цэнтар — вёска Лядзк.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лядзкі сельсавет.

Лядзкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Лядзк
Дата ўтварэньня	16 ліпеня 1954
Насельніцтва	▼1723 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 16 ліпеня 1954 году ў складзе Шчучынскага раёну Гарадзенскай вобласьці БССР шляхам аб’яднанья скасаваных Еўлашоўскага і Шынкавецкага сельсаветаў^[1].

25 лютага 1961 году да сельсавету далучана частка скасаванага Герніцкага сельсавету.

12 сакавіка 1973 году ў склад Дэмбраўскага сельсавету перададзены вёскі Багушы, Навасёлкі, Пісклюкі, Рыча, Рыча Дзяржаўная, Шарупы і Шынкаўцы^[2]. У 1976 годзе ў склад Дэмбраўскага сельсавета перададзены вёскі Агульс, Балі, Барысаўка, Вайкалы, Вароны, Доўгая, Еўлашы, Кузьмы, Кухары, Слонна, Чапаеўка і хутары Пятрэлеўшчына і Лядзк Высокі^[3].

25 верасьня 2002 году ў склад сельсавета з Шчучынскага сельсавету перададзена вёска Тапілішкі^[4].

Насельніцтва сельсавету паводле перапісу 2009 году — 2287 чалавек^[5], зь іх 61,3 % — палякі, 32,4 % — беларусы, 2,8 % — расейцы^[6].