Лярс Штындль

Лярс Штындль (па-нямецку: Lars Stindl; нар. 26 жніўня 1988 году) — колішні нямецкі футбаліст, атакуючы паўабаронца. За два гады з 2017 па 2018 гады згуляў адзінаццаць матчаў у складзе нацыянальнай зборнай Нямеччыны.

Лярс Штындль
Пэрсанальная інфармацыя
Нарадзіўся	26 жніўня 1988(1988-08-26)[1] (37 гадоў) Вайггэўзэль[d], Карльсруэ[d]
Рост	180 см
Вага	73 кг
Пазыцыя	паўабаронца
Клюбы
Гады	Клюб	Гульні (галы)¹
2007—2010	Карльсруэ II[d]	49 (11)
2007—2010	Карльсруэ	56 (13)
2010—2015	Гановэр-96	131 (19)
2015—2023	Барусія Мёнхэнглядбах	222 (62)
2023—2024	Карльсруэ	24 (4)
Зборныя
2007	Нямеччына (да 20)[d]	3 (0)
2009	Нямеччына (да 21)[d]	1 (0)
2017—2018	Нямеччына	11 (4)

Кар’ера

Зьяўляючыся нарадзінцам Шпаеру, Штындль далучыўся да юнацкай акадэміі клюбу «Карльсруэ». Менавіта ў шэрагах гэтага клюбу гулец дэбютаваў у Бундэсьлізе, выйшаўшы на замену на 81-й хвіліне ў матчы супраць франкфурцкага «Айнтрахту». Матч праходзіў 15 сакавіка 2008 году, а ўжо ў канцы году 29 лістапада паўабаронца ўпершыню адзначыўся голам у прафэсійнай кар’еры, улучыўшы мяч у браму «Гановэру-96». У 2010 годзе Штындль далучыўся да табару «Гановэру-96», правёўшы ў клюбе пяць гадоў. 25 сакавіка 2015 году стала вядома, што па сканчэньні сэзону футбаліст далучыцца да шэрагаў мёнхэнглядбаскай «Барусіі»^[2]. У новым клюбе Штындль дэбютаваў 8 жніўня 2015 году ў матчы Кубка Нямеччыны супраць «Санкт-Паўлі», адразу адзначыўшыся двойчы і дапамогшы клюбу атрымаць перамогу зь лікам 4:1^[3]. Праз год гулец быў абраны капітанам клюбу пасьля таго, як папярэдні капітан Мартын Штранцль і ягоны зьменік Граніт Джака сышлі з клюбу.