Лярэнца Пэлегрыні
італьянскі футбаліст From Wikipedia, the free encyclopedia
Remove ads
Лярэ́нца Пэлегры́ні (па-італьянску: Lorenzo Pellegrini; нар. 19 чэрвеня 1996 году) — італьянскі футбаліст, паўабаронца і капітан клюбу «Рома» і нацыянальнай зборнай Італіі.
Remove ads
Кар’ера
Клюбная
Гулец яшчэ ў веку 9 гадоў далучыўся да акадэміі сталічнай «Ромы»[3]. Запачаткаваў прафэсійную кар’еру 22 сакавіка 2015 году, калі зьявіўся на полі на замену ў матчы Сэрыі А супраць «Чэзэны»[4]. У чэрвені таго ж году далучыўся да клюбу «Сасуолё», што каштавала клюбу з Эміліі-Раманьні 1,25 мільёнаў эўра[5]. Паводле ўгоды паміж клюбамі «Рома» захавала за сабой мажлівасьць выкупіць у будучым гульца[6]. Упершыню згуляў за новы клюб 8 лістапада, калі ягоны клюб зь лікам 1:0 выгуляў «Карпі»[7]. Свой першы гол улучыў у браму «Сампдорыі»[8]. Цягам сэзону 2016—2017 гадоў замацаваўся ў першай адзінаццатцы каманды. Па сэзоне быў вернуты да складу «Ромы», што каштавала клюбу з сталіцы Італіі 10 мільёнаў эўра. Свой першы гол за родны клюб пацэліў 1 сьнежня 2017 году ў матчы Сэрыі А супраць клюбу СПАЛ[9]. 25 траўня 2022 году Пэлегрыні быў капітанам каманды ў фінальным матчы Лігі канфэрэнцыяў, дзе італьянскі клюб быў мацней за нідэрляндзкі «Фэеноорд». У тым сэзоне розыгрышу футбаліст быў абраны найлепшым гульцом турніру[10].
Міжнародная
Гулец прыцягваўся да матчаў зборных Італіі розных узростаў, беручы ўдзел у розных міжнародных спаборніцтвах. Упершыню ў склад нацыянальнай зборнай Італіі быў выкліканы 31 траўня 2017 году на таварыскі матч супраць зборнай Сан-Марына, зьявіўшыся ў другім тайме. 11 чэрвеня таго ж году згуляў у складзе зборнай у адборачным матчы чэмпіянату сьвету 2018 году супраць зборнай Ліхтэнштайну. Свой першы гол у кашулі нацыянальнай дружыны здабыў 5 верасьня 2019 году ў матчы супраць зборнай Армэніі[11].
Remove ads
Дасягненьні
«Рома»:
- Пераможца Лігі канфэрэнцыяў: 2022
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads