Магамэд Мунір

Магамэд эль-Мунір Абдусалям (нарадзіўся 8 красавіка 1992 году, Трыпалі, Лібія) — лібійскі футбаліст, абаронца і паўабаронца бялградзкага «Партызану» і нацыянальнай зборнай Лібіі.

Магамэд Мунір
Пэрсанальная інфармацыя
Нарадзіўся	8 красавіка 1992 (33 гады) Трыпалі, Лібія
Рост	177 см
Вага	70 кг
Пазыцыя	абаронца
Клюбная інфармацыя
Клюб	Партызан Бялград
Нумар	13
Клюбы
Гады	Клюб	Гульні (галы)¹
2010—2011 2011—2013 2013—2014 2014 2015—2016 2017—	Аль-Ітыгад Ягодзіна Аль-Ітыгад Ягодзіна Дынама Менск Партызан Бялград	18 (5) 31 (0) 26 (6) 0 (0) 30 (0) 0 (0)
Зборныя
2012—	Лібія	6 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 6 лістапада 2016. ² Колькасьць гульняў і галоў за нацыянальную зборную ў афіцыйных матчах, адкарэктавана на 28 жніўня 2014.

Клубная кар’ера

«Ягодзіна»

Улетку 2011 году перайшоў зь лібійскага «Аль-Ітыгаду» ў клюб сэрбскай Супэрлігі «Ягодзіна». Дэбютаваў за «Ягодзіну» 26 кастрычніка 2011 году, выйшаўшы ў стартавым складзе ў матчы 1/8 фіналу Кубка Сэрбіі супраць клюбу «Явар», дзе каманда Магамэда атрымала паразу ў сэрыі пэнальці. Дэбют у Супэрлізе адбыўся 17 сакавіка 2012 году ў матчы 19 туру супраць дзейнага чэмпіёну клюбу «Партызан».

21 красавіка 2012 году абаронца ўразіў мясцовыя СМІ і асабліва заўзятараў клюбу, калі адгуляў 35 хвілінаў матчу 23-га тура Супэрлігі супраць «Борчы» зь пераломам нагі. Мунір атрымаў пералом на 10-й хвіліне, аднак працягнуў гуляць, і толькі ў перапынку матчу паведаміў аб траўме і быў заменены. Гэты быў толькі другі матч у лізе, калі ён выйшаў у стартавым складзе, таму не хацеў страціць шанец паказаць свае здольнасьці, і, нягледзячы на ​​боль, ён зрабіў усё магчымае, каб гуляць далей. Нягледзячы на ​​сумнеўнае стаўленьне з пункту гледжаньня здароўя, нацыянальная прэса і прыхільнікі «Ягодзіны» не маглі не ўхваліць самаадданасьць абаронцы.

У пачатку кастрычніка 2012 году, перад ад’ездам у зборную, падоўжыў свой кантракт зь «Ягодзінай» да 2015 году. 8 траўня 2013 году ён адгуляў ключавую ролю ў перамозе 1:0 над «Вайводзінай» у фінале Кубка Сэрбіі 2013 году.

У пачатку сэзону 2013—2014 гадоў, Мунір гуляў супраць «Рубіну» ў Лізе Эўропы. 4 лістапада 2013 году стала вядома аб цікавасьці да Муніра з боку «Асасуны», аднак падчас зімовага перапынку 2013—2014 гадоў ён пакінуў Сэрбію і вярнуўся ў свой былы клюб «Аль-Ітыгад». 28 жніўня 2014 году ён зноў падпісаў кантракт зь «Ягодзінай», аднак на полі так і не зьявіўся.

«Дынама»

30 красавіка 2015 году ў якасьці вольнага агента падпісаў кантракт зь менскім «Дынама» да канца 2016 году^[1]. У студзені 2017 году перайшоў у бялградзкі «Партызан»^[2].

Міжнародная кар’ера

З 2012 году выклікаецца ў нацыянальную зборную Лібіі, разам зь якой прымаў удзел у Кубку афрыканскіх нацыяў 2012 году.

Дасягненьні

«Ягодзіна»:

• Уладальнік Кубка Сэрбіі: 2013

«Дынама Менск»:

• Бронзавы прызэр чэмпіянату Беларусі: 2016

Статыстыка

Клюб	Сэзон	Чэмпіянат
		Дывізіён	Матчы	Галы
Дынама Менск	2015	Вышэйшая ліга	11	0
	2016	Вышэйшая ліга	19	0