Магнус Саўгструп

Магнус Саўгструп (па-дацку: Magnus Saugstrup‎; нар. 12 ліпеня 1996 году) — дацкі гандбаліст нямецкага клюбу «Магдэбург» і нацыянальнай зборнай Даніі. Гуляе на пазыцыі лінейнага гульца.

Магнус Саўгструп
Пэрсанальная інфармацыя
Нарадзіўся	12 ліпеня 1996(1996-07-12)[1] (29 гадоў) Ольбарг, Паўночная Ютландыя[d], Данія
Пазыцыя	лінейны
Клюбная інфармацыя
Клюб	Магдэбург
Нумар	23
Клюбы
Гады	Клюб
4—2014	Нёўлінг[d]
2014—2021	Ольбарг
2021—4	Магдэбург
Зборныя
2018—4	Данія

Кар’ера

Клюбная

Саўгструп пачаў гуляць у гандбол у сваім родным горадзе ў клюбе «Нёўлінг». У 2014 годзе прыяднаўся да каманды «Ольбарг» з найвышэйшага дывізіёну дацкага першынства. Поруч з камандай неаднаразова станавіўся чэмпіёнам краіны. У сэзоне 2021—2022 гулец склаў трохгадовую ўгоду зь нямецкім клюбам «Магдэбург»^[2]. У 2023 годзе стаў пераможцам Лігі чэмпіёнаў. У фінальным матчы, дзе нямецкая каманда здабыла перамогу зь лікам 30:29 польскі «Вівэ», гулец закінуў тры мячы ў браму супернікаў. Паводле вынікаў сэзону Бундэсьлігі 2023—2024 гадоў другі раз стаў чэмпіёнам Нямеччыны, пры гэтым быў уганараваны званьнем самага каштоўнага гандбаліста турніру^[3].

Міжнародная

Дэбютаваў у складзе зборнай Даніі 7 красавіка 2018 году ў матчы супраць зборнай Ісьляндыі. Браў удзел у чэмпіянаце Эўропы 2020 году, які стаў для спартоўца дэбютным міжнародным турнірам. Годам пазьней, на чэмпіянаце сьвету 2021 году, ён стаў чэмпіёнам сьвету, закінуўшы 29 галоў у дзевяці матчах, прычым у стадыі плэй-оф рэалізаваў 16 з 17 кідкоў. З Даніяй заваяваў срэбраны мэдаль на летніх Алімпійскіх гульнях 2020 году ў Токіё. На наступных міжнародных розыгрышах браў мэдалі розных гатункаў. Паводле вынікаў чэмпіянату Эўропы 2024 году быў абраны найлепшым абаронцам і ўлучаны ў склад сымбалічнай зборнай турніру^[4]. На летніх Алімпійскіх гульнях 2024 году стаў алімпійскім чэмпіёнам, заваяваўшы залаты мэдаль^[5].