Мажа

Ма́жа — рака ў Беларусі, правы прыток ракі Морачы (басэйн Дняпра). Цячэ ў Капыльскім раёне Менскай вобласьці. Даўжыня 40 км. Плошча вадазбору 319 км². Выдатак вады ў вусьці 1,4 м³/с. Сярэдні нахіл воднай паверхні 1,3%.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мажа (неадназначнасьць).

Рака

Мажа лац. Maža
Агульныя зьвесткі
Выток	каля м. Капылю
Вусьце	Морач
Краіны басэйну	Беларусь
Вобласьці	Менская вобласьць
Даўжыня	40 км
Сярэднегадавы сьцёк	1,4 м³/с
Плошча басэйну	319 км²
Нахіл воднай паверхні	1,3 ‰

На рацэ стаіць гістарычнае мястэчка Цімкавічы.

Пачынаецца за 3 км на ўсход ад места Капылю, цячэ празь яго (на рацэ ў межах места сажалкі плошчай 22 га і 11 га) у межах Капыльскай грады і Клецкай раўнінай. Вусьце каля паўночнай ускраіны вёскі Семежава.

Даліна скрынкападобная, месцамі трапэцападобная, шырынёй 0,3—0,5 км. Абалона пераважна двухбаковая (шырыня 0,25—0,4 км), месцамі забалочаная. Шырыня рэчышча 2—5 м. На рацэ Цімкавіцкае вадасховішча^[1].