Майкл Брэдлі

Майкл Шыян Брэдлі (па-ангельску: Michael Sheehan Bradley; нар. 31 ліпеня 1987 году, Прынстан, Нью-Джэрзі, ЗША) — колішні амэрыканскі футбаліст, які гуляў за нацыянальную зборную ЗША на пазыцыі паўабаронцы.

Майкл Брэдлі
Пэрсанальная інфармацыя
Нарадзіўся	31 ліпеня 1987(1987-07-31)[1][2] (38 гадоў) Прынстан[d], Мэрсэр[d], Нью-Джэрзі, ЗША
Рост	189 см
Вага	94 кг
Пазыцыя	паўабаронца
Клюбы
Гады	Клюб	Гульні (галы)¹
2004—2005	Нью-Ёрк Рэд Булз	30 (1)
2006—2008	Гээрэнвээн	55 (15)
2008—2011	Барусія Мёнхэнглядбах	76 (10)
2011	→ Астан Віла	3 (0)
2011—2012	К’ева	35 (1)
2012—2014	Рома	41 (2)
2014—2023	Таронта[d]	258 (16)
Зборныя
2002—2004	ЗША (да 17)[d]	6 (0)
2004	ЗША (да 18)[d]	1 (0)
2004—2007	ЗША (да 20)[d]	8 (1)
2006—2019	ЗША	151 (17)
2008	ЗША (да 23)[d]	4 (0)

Кар’ера

Клюбная

Майкл Брэдлі нарадзіўся ў Прынстане, штат Нью-Джэрзі. Ягоны бацька, Боб Брэдлі, гуляў у камандзе Прынстанскага ўнівэрсытэту ў 1976—1980 гадох, пасьля працаваў трэнэрам. Сваё дзяцінства Майкл правёў у штаце Іліной разам з бацькам, які тады трэніраваў каманду «Чыкага Файр». Да 2002 году Майкл гуляў у юніёрскай камандзе «Чыкага Сокерз». Ва ўзросьце 16 гадоў, Брэдлі падпісаў кантракт з МЛС у 2004 годзе. На драфце ён быў абраны клюбам «Мэтрастарз» пад нумарам 36. У студзені 2006 году Брэдлі стаў самым маладым футбалістам MLS, прададзеным у эўрапейскі клюб. Ягонай новай камандай стаў нідэрляндзкі «Гээрэнвээн». 16 красавіка 2006 году ў матчы супраць АЗ, Майкл дэбютаваў у Эрэдывізіі. 31 жніўня 2008 году Брэдлі падпісаў чатырохгадовы кантракт з «Барусіяй» зь Мёнхэнглядбаху. Пазьней высьветлілася, што ён меў таксама сакрэтнае пагадненьне з ангельскім клюбам «Бірмінггэм Сіці»^[3], але той ня здолеў захаваць месца ў элітным ангельскім дывізіёне.

31 жніўня 2011 году Брэдлі перайшоў у «К’ева». Майкл адразу стаў ключавым футбалістам каманды. 7 красавіка 2012 году ў матчы супраць «Катаніі» ён забіў свой першы й адзіны гол за клюб^[4]. 15 ліпеня 2012 году Брэдлі падпісаў кантракт з «Ромай» тэрмінам да 30 чэрвеня 2016 году^[5].

9 студзеня 2014 году «Рома» абвесьціла пра продаж Брэдлі ў клюб МЛС «Таронта» за 10 мільёнаў даляраў^[6].

Міжнародная

26 траўня 2006 году Брэдлі дэбютаваў у зборнай ЗША ў таварыскім матчы супраць зборнай Вэнэсуэлы. У канцы 2006 году на пасаду галоўнага трэнэра нацыянальнай каманды прыйшоў бацька Майкла, Боб. Пад ягоным кіраўніцтвам Брэдлі-малодшы стаў асноўным футбалістам каманды.

Дасягненьні

«Таронта»:

• Чэмпіён Канады: 2016, 2017, 2018, 2020
• Уладальнік Кубка МЛС: 2017

ЗША:

• Пераможца залатога кубку КОНКАКАФ: 2007, 2017