Максім Азарка

Максім Азарка (нар. 2 траўня 2003 году) — беларускі футбаліст, брамнік «Смаргоні».

Максім Азарка
Пэрсанальная інфармацыя
Нарадзіўся	11 студзеня 2002(2002-01-11)[1][2] (23 гады) Менск, Беларусь[2]
Рост	186 см[1]
Пазыцыя	брамнік
Клюбная інфармацыя
Клюб	Смаргонь
Нумар	19
Клюбы
Гады	Клюб	Гульні (галы)¹
2020—2022	Энэргетык-БДУ	0 (0)
2020	→ БДУ[d]	17 (0)
2022	→ МЛ Віцебск	11 (0)
2023	МЛ Віцебск	23 (0)
2024	Менск	3 (0)
2024—4	Смаргонь	10 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 20 чэрвеня 2025.

Кар’ера

Выхаванец акадэміі менскага «Энэргетыка»-БДУ. У 2020 годзе на правах арэнды далучыўся да БДУ, які на той момант спаборнічаў у Другой лізе. Праз розныя абставіны доўгі час наўпрост быў адзіны галкіпэрам каманды, таму стала гуляў у браме^[3]. У гэты ж час брамнік навучаўся на факультэце сацыяльна-культурніцкіх камунікацыяў галоўнага ўнівэрсытэту краіны^[4]. У 2022 годзе на правах арэнды далучыўся да рагачоўскага «Макслайна», дзе фактычна чаргаваў выступы ў першым складзе з Даніілам Шапко. У сакавіку 2023 году падоўжыў супрацу з камандай^[5], дзе быў першым брамнікам каманды, здолеўшы перамагчы ў канкурэнтнай барацьбе з дасьледчаным Сяргеем Курганскім^[6]. Паводле вынікаў сэзону абодва футбалісты зышлі з каманды, якая ня здолела здабыць падвышэньне ў Найвышэйшую лігу. Гулец прыяднаўся да сталічнага «Менску». Запачаткаваў кар’еру ў элітным дывізіёне 16 сакавіка 2024 году, калі выйшаў у стартавым туры чэмпіянату ў першай адзінаццатцы супраць БАТЭ^[7]. Улетку, пасьля таго як да «Менску» прыяднаўся дасьведчаны Аляксандар Гутар, Азарка сышоў з клюбу^[8] і далучыўся да «Смаргоні»^[9]. Увайшоў у гісторыю клюбу, не прапусьціўшы аніводнага голу ў пяці дэбютных матчах запар за новую каманду ў Найвышэйшай лізе^[10]. Лепей дэбютаваў у 2003 годзе толькі Юры Афанасенка ў складзе «Гомля», пратрымаўшы сэрыю шэсьць гульняў^[10].