Малайскі архіпэляг

Малайскі архіпэляг (па-малайску: Kepulauan Melayu) — найвялікшы архіпэляг у сьвеце. Уключае Вялікія Зондзкія, Малыя Зондзкія, Малуцкія, Філіпінскія і шмат дробных астравоў (за выняткам Новае Гвінэі, якая адносіцца да Акіяніі)^[1][2]. Найбуйнейшыя астравы — Калімантан і Суматра. Найбольш населены востраў — Ява.

Малайскі архіпэляг
Kepulauan Melayu
Колькасьць астравоў	25 000 — 30 000
Найбуйнейшы востраў	Калімантан
Агульная плошча	2 000 000 км²
Краіны	Інданэзія, Малайзія, Брунэй, Усходні Тымор
Насельніцтва	350 000 000 чал.
Шчыльнасьць насельніцтва	175 чал./км²
Каардынаты	2°56′ пд. ш. 107°55′ у. д.
Малайскі архіпэляг на мапе Інданэзіі Малайскі архіпэляг

На астравах больш за 330 вульканаў, каля 100 зь якіх — дзейныя. Найбольш вядомы — Кракатаў.

На Малайскім архіпэлягу разьмяшчаюцца дзяржавы Інданэзія (амаль цалкам)^[3], Малайзія (часткова), Брунэй, Усходні Тымор і Філіпіны.